首頁 » 作家投稿 » 生活放輕鬆 » 城市藝裳計劃:「樂坐其中」裝置藝術

城市藝裳計劃:「樂坐其中」裝置藝術

FavoriteLoading收藏文章

今日路過南昌站就順便入嚟行個圈,等佢哋親親大自然。加上知道最近有個「樂坐其中」裝置藝術,就當然要入嚟打個咭先!

就在南昌西鐵站D出口,過對面南昌公園入口,遠遠就可以望到呢兩個藝術裝置。(推薦閱讀:【親子撐香港】深水埗棚仔布市場

這藝術裝置個名叫「綠浪潮」,用玻璃纖維、乙烯丙烯橡膠及人造草皮製造。

設計師吳逸釗的理念是希望把人及草地再拉近。

大人可以當椅坐,小朋友都可以當係遊樂設施,跳又得捐又得。

這坐椅可以自由組合,配合不同環境需要。

兩個攤喺度曬曬太陽,嚟個日光浴…其實熱到死就真。

裝置旁邊都附有設計師的簡介。

依家影一張相隨時要2 Sets,因為同咗哥哥影,呀妹又嘈住話要影番張一模一樣。

不過其實我又覺得,既然作品係想拉近人與大自然之間的距離,咁其實點解要放佢喺公園呢?放喺巿中心會唔會仲好!(不過可能放半日件作品都冇咗…)

由另外一個角度睇,其實都幾似小山丘。

一場嚟到梗係要打下韆鞦啦!

想跟我去體驗其他活動,快D報名親子團,同埋留意專頁公佈詳情啦!

呀劍評分:6分

呀劍評語雖然呢個係回歸廿周年嘅活動之一,見政府又用咗咁多公帑攪呢樣嗰樣都唔太贊成,但係見佢都係支持本地藝術家,就算數啦!

城市藝裳計劃:樂坐其中

除了樓梯,椅子亦是市民經常在公共空間使用的設施。因此康文署舉辦「樂坐其中」公共藝術計劃。本計劃邀請了四組客席策展人分別協助20組藝術家團隊構思實用與美感兼備的藝術座椅。20組藝術家的作品已座落於全港18區康樂及文化事務署轄下的不同場地展示,每組座椅各具特色,當中糅合藝術、設計、建築、生活及社區等等概念,讓青年藝術家發揮他們無限創意的同時,也為香港的日常城市景觀注入藝術的元素。歡迎大家到各個場地感受不同款式設計的藝術座椅!

綠浪潮

人跟大自然不可分割,你有多久沒有躺在草地上享受日光浴?你又曾 否想過怎樣坐或休息可以「自己話事」?我希望透過作品「綠浪潮」把人 及草地再拉近。作品的非傳統坐椅造型根據人體工學設計,供用家創意舒適享用。 隨活動需要,坐椅不但適合想靜靜享受日光浴的你;也適合活力充沛的小朋友。另外,作品更享有模組化設計的經濟效益和提供靈活多變佈局的優點。

地址九龍深旺道20號
開放時間:全日24小時
費用全免

延伸閱讀:【親子好去處】全新糖果屋主題:北河街體育館兒童遊戲室


相關內容:

本文為「駐站作家」自行上稿文章。
若您認為該文章涉及任何不當言論,請按此檢舉
檢舉關閉
這篇文章對您是否有幫助?
這篇文章對您是否有幫助?

關於作者

推薦閱讀

我要回應

我要留言