首頁 » 作家投稿 » 生活放輕鬆 » 【親子好去處】月球博物館

【親子好去處】月球博物館

【親子好去處】月球博物館

FavoriteLoading收藏文章

呢期最紅係呢個大月亮啦,冇咩理由唔去朝朝聖,不過我哋就冇揀正日前後去,因為明知多人,所以就喺追月之後Weekend先嚟打卡,咁樣就可以影到靚靚相啦!

今次月球博物館就喺利東街中間廣場位置,由英國藝術家Luke Jerram創作的巨型月亮,巡迴咗幾個國家之後先喺中秋節嚟到香港。

其實今年都有好幾個地方有巨型月球展覽,有大有細!最大當然係呢個啦,我哋大約5-6點嚟到先影影相。

可能加上仲未入夜亮燈,所以現場都已經唔係太多人,要搵一個冇人嘅位置影相都唔太難。

一嚟哥哥就已經自動自覺擺出Pose扮,相信同呢個巨型月亮打卡,最特別係睇吓D人點樣擺Pose。

但係原來真係除咗扮悟空出「元気弹」之外真係好難諗有其他動作。

影影下,媽咪提出一個難度超高的動作,就係叫哥哥扮揹住個巨型月球,我幾乎要趴低喺地下度向上「炒」,仲要配合埋哥哥姿勢,最後大家都好滿意個效果,估唔到影相都可以咁樣玩一餐。

從另一個角度影過去。

呀芊影到好攰,但係見哥哥影,又提番起精神再影過!(連我呢個影相嘅都叫住快D走)

夜晚我哋喺灣仔食飯,食完之後我哋打算搭地鐵番屋企,所以又順便經過嚟望下夜晚著燈之後嘅月亮。

點解冇我哋全家幅?因為所託非人…影到矇喳喳…下次都係俾部iPhone人幫手影就算。

呀劍評分:8分

呀劍評語:好似當年影黃鴨一樣,一到中秋大家就一窩蜂去影相,經過上次經驗後,為求影靚相都係過咗個潮先去,經過同家人打番張卡留念下都幾好呀!

地點:灣仔利東街

費用:免費

本文為「駐站作家」自行上稿文章。
若您認為該文章涉及任何不當言論,請按此檢舉
檢舉關閉
這篇文章對您是否有幫助?
這篇文章對您是否有幫助?

關於作者

我要回應

我要留言