首頁 » 家事廚藝通 » 【食譜】天然止咳良方:燉洋蔥水的作法

【食譜】天然止咳良方:燉洋蔥水的作法

【食譜】天然止咳良方:燉洋蔥水

FavoriteLoading收藏文章

洋蔥水係由天然疏果提取而成的汁,平常大人細路間唔中飲下燉洋蔥水都OK,亦可當作日常保健!

【食譜】天然止咳良方:燉洋蔥水

正值流感高峰期,細孖無奈亦中招!

最初本來係大孖開始有幾聲咳,半夜仲發埋燒,孖媽當下即時用了天然療法去幫Caydan處理咳嗽同發燒問題,孖媽基本上係成晚無咩點訓,不停咁幫哥哥密密用,差唔多到天光時哥哥已經回復返正常的體溫了。而哥哥第2日起身亦都無再咳了,好開心。

當我未開心完之際,就發現到細路仔中招了,而且細路嘅咳仲要係有痰,同埋好快就發起燒上來!!我見Ramsey真係咳得好辛苦,佢真係完全訓得唔好,訓訓下就咳,就連食食下飯都因為咳嘔返哂d食物吐出黎,仲無咩胃口食野,病一病又輕左好多!!!

發燒呢一點,可以話係孖媽密密用天然療法去處理之後,總算止住了,第2日細佬仔起身都已經無再燒,但係痰咳就真係有d難搞,我見佢咳到咁辛苦都好心痛!

所以就試下用天然止咳良方:燉洋蔥水,睇下會唔會有幫助。

中醫的角度認為,春天為陽氣升發的時候,乍暖還寒嘅天氣令到陽氣升發受阻礙,所以傷風感冒好易出現,而洋蔥性辛味溫,通陽散寒,間接有預防感冒及促進感冒康復嘅功效。但要提一下,洋蔥主只可以應用係普通嘅傷風、初起嘅感冒,少少鼻水、怕冷等。
(推薦閱讀:簡單好做!電鍋就能做的止咳食療是?)

【食譜】天然止咳良方:燉洋蔥水

燉洋蔥水作法:

1/ 預備白洋蔥一個,洗淨去皮,備用(因為白洋蔥水份較高)
2/ 切開洋蔥成片狀,放入燉盅內
3/ 開火隔水燉1小時
4/ 倒入杯內,趁熱飲

我地今次用咗2個洋蔥,因為想比Ramsey 飲多dd,不過其實燉埋都唔係好多。所以如果用一個洋蔥燉出黎應該會仲小水。而大家亦可以試下用一個天然嘅方法去吸菌,未經証實,但一試無妨,可以將洋蔥切片,用碟裝起,放係屋企抗菌。

我比細路飲之前自己都有試飲,洋蔥水其實好清甜,一d都唔會辣,見到有一些分享說可以加apple,我個人就喜歡單燉洋蔥嘅清甜和功效。
(推薦閱讀:秋咳酷酷嗽,蜂蜜菊花茶止咳有一套)

【食譜】天然止咳良方:燉洋蔥水

Ramsey都好喜歡,一口氣就飲哂兩個洋蔥燉出來的洋蔥水了。我都有將小小燉好嘅洋蔥切出來,比2兄弟食,佢地2個都好接受。

觀察到佢嘅咳係飲洋蔥水同其他天然療法之下係有舒緩咗一d,雖然仲未完全止到咳,唯有呢2-3日燉多幾次比佢飲啦!

孖媽溫馨小提示:

1. 洋蔥水可以每日一次,先試下連續3日
2. 煲完就記得趁暖飲
3. 如果出現喉嚨痛、發燒等流感症狀,可能洋蔥帶來嘅幫助就未必會咁大。當然如果久咳不愈,梗係要去睇醫生啦!
荔枝與孖寶】授權轉載 原文出處【天然止咳良方: 燉洋蔥水

 

這篇文章對您是否有幫助?
這篇文章對您是否有幫助?

關於作者

荔枝孖媽

一日之間,成為兩子之母!充滿愛與驚喜。 曾經致力遊歷世界唔同的地方,到以家生左孖寶後變成致力育兒的雙職媽媽。希望把生活中每一個美好時光都記錄下來。親子育兒,美容扮靚,飲飲食食,購物,好物都想同大家分享! 更希望與大家一起見証孖寶的成長,分享他們生活的大小趣事。

我要回應

我要留言