首頁 » 作家投稿 » 健康百寶箱 » 在家訓練兒童體適能:運雞蛋小遊戲分享

在家訓練兒童體適能:運雞蛋小遊戲分享

在家訓練兒童體適能:運雞蛋小遊戲分享

FavoriteLoading收藏文章

我作為孖寶御用嘅體適能教練,當然要用自己在課程中學到的知識應用返自己對仔身上,令佢地受惠啦!

講返小小體適能的basic concept、Physical Fitness體適能的定義,即係身體適應生活、外界環境(e.g.:溫度、氣候變化)的綜合能力。 體適能較好的人在日常生活或工作中,從事體力性活動或運動皆有較佳的活力及適應能力,而不會輕易產生疲勞或力不從心的感覺。根據 U.S. Department of Health and Human Services,體適能包括:心肺耐力、肌肉耐力、肌肉力量、肌肉爆發力、速度、柔軟度、靈敏度、平衡力、反應時間及身體成分。

而孖媽作為兒童體適能教練, 一般都係會以「樂趣、安全、活潑」為主,引導小朋友係快樂嘅氣氛之中玩樂,亦可以配合輕快節奏嘅音樂同遊戲,達到令小朋友身體充分活動的目的。

而我地教練係兒童體適能嘅教學上,通常會把課堂分為幾大類warm up、有氧運動、肌力訓練同cool down等,我特別想提嘅係家長要特別小心留意,係小朋友嘅階段應該以訓練小朋友的肌耐力為主,千其唔好走去訓練肌力,因為小朋友需要嘅係健康體適能,而唔係要練大隻,唔需要使用重量訓練,呢點要特別留意,以免影響小朋友發育同高度呀!當然,如果有咩唔明,最好就搵返你嘅兒童體適能教練去了解同詢問返啦!

以家哥哥仲未可以出關天天在家要跟他們想出不同的遊戲去玩,今次呢個雞蛋嘅遊戲到底又係d咩呢?

1/ 我地呢個呢個運雞蛋嘅遊戲有唔同顏色嘅4個spoon同雞蛋set。

2/ 遊戲開始之前,可以比小朋友先認下顏色,講出各顏色嘅中、英文名稱。

3/ 之後教練就可以將雞蛋黃放入雞蛋殼內,然後教小朋友將雞蛋放在spoon上,可以正式開始遊戲啦。

4/ 一般教練可以幫小朋友畫一條起跑線,等佢地更明確知道自己要行的方向同路線。

5/ 小朋友放好手中雞蛋,就可以一齊起步快走啦,邊個最快到終點又無跌到雞蛋落地就係勝出者啦,仲要留意唔可以比蛋黃散到出來呀。

呢個小運動既可以培養孩子合群玩樂,亦可以令小朋友有進取心,最重要當然係可以訓練小朋友嘅平衡同埋手眼協調嘅能力,對視覺運動協調都有一定的幫助。

而孖媽最開心嘅就係佢地都好enjoy,可以令孩子係運動當中得到健康同樂趣就係我努力學習的原動力

哈哈,考完一張又一張,仲有好多張cert等緊我考呀…..加油孖媽!

P.S. 部份圖片節錄自互聯網

延伸閱讀:走過在家自玩的日子,觸覺訓練活動

本文為「駐站作家」自行上稿文章。
若您認為該文章涉及任何不當言論,請按此檢舉
檢舉關閉
這篇文章對您是否有幫助?
這篇文章對您是否有幫助?

關於作者

荔枝孖媽

一日之間,成為兩子之母!充滿愛與驚喜。 曾經致力遊歷世界唔同的地方,到以家生左孖寶後變成致力育兒的雙職媽媽。希望把生活中每一個美好時光都記錄下來。親子育兒,美容扮靚,飲飲食食,購物,好物都想同大家分享! 更希望與大家一起見証孖寶的成長,分享他們生活的大小趣事。

我要回應

我要留言