首頁 » 家事廚藝通 » 帶著小B外出妙方,儲奶袋變餵食袋

帶著小B外出妙方,儲奶袋變餵食袋

帶著小B外出妙方,儲奶袋變餵食袋

FavoriteLoading收藏文章

帶著小B去旅行有時少不免都總會帶少野、帶漏野,有時又會因為唔想洗呢樣、洗個樣而想帶少啲野。(嗯,明既!因為當媽要做既真係太多,諗起都有啲攰!)

而正正因為今次帶小JM去旅行既飛行時間夾住左小JM既午飯時間,所以我呢個懶懶媽又諗多左一個「另類奶袋使用方法」!平時既我或者會用保溫壺或者炆燒杯去盛載小JM既午餐或晚餐,但機於今次真係太趕,去到食完真係會無時間洗就要上機既關係,媽媽我竟然將剩落來既奶袋變成「儲食袋」!
(推薦閱讀:【哺乳心得】親餵VS.瓶餵,優缺點解析)

其實之前我都介紹過儲食袋,係方便媽媽們帶小B既食物外出享用既,但隨住小B們日漸長大,所食既食物已經唔可能用食物袋連匙羹而擠出,畢竟食物已經唔再係糊狀,已經變成粒狀甚至係稀飯類添!

正因為食物袋匙羹孔太細,所以我今次大膽用左「儲奶袋」去盛載小JM既午餐!一早起身就已經要準備小JM既糧食,先先將菜切成粒,再取出已預先預備好既肉粒,再放入BB煲煮一個鐘即刻Okay!到臨出門口先將稀飯用儲奶袋盛起,分成兩袋儲存,再以食物盒盛載或置放於保溫袋內即可。

帶著小B外出妙方,儲奶袋變餵食袋

因為有著小JM既關係某部分航空公司係唔提供Online Check-In,所以我地一去到機場會合左契媽媽之後就要先去Check-In,去到等候區先俾小JM開始進食。
(推薦閱讀:母乳媽或配方奶?請還給新手媽媽自主權!)

其實用會奶袋餵食一樣無難度,只需要慢慢將稀飯從袋內擠出即可。小JM一樣食得好滋味,就算有肉粒、菜粒都一樣無問題,唔駛怕會塞住左食唔到。(我係用雙開口奶袋架,即係下圖呢隻)

帶著小B外出妙方,儲奶袋變餵食袋

食完飯仔就即刻可以掉左個儲奶袋,唔駛洗野就可以準備上機展開旅程,媽媽更加輕鬆!其實除左用「儲奶袋」做食物袋之外,儲奶袋仲可以變成尿片冰種!
(推薦閱讀:diy食物密封器與切菜護手套)
傑。斯 與 晴】授權轉載 原文出處【C。J の 帶著小B去旅行。儲奶袋 變 餵食袋

 

這篇文章對您是否有幫助?
這篇文章對您是否有幫助?

關於作者

傑。斯與晴

在職80後情人節媽媽與元宵節寶寶。
新手媽媽細數生活中點滴動人時光,
紀錄及分享育兒小心得、親子旅行及購物分享。
如果有任何查詢/合作想搵我或者Jolie,
歡迎去我們的FB專頁https://www.facebook.com/cjoliema0222/
又或者email到: sleepyceci@hotmail.com

我要回應

我要留言