首頁 » 生活放輕鬆 » 想成功餵媽媽奶,頭兩個月一定要堅持埋身餵!

想成功餵媽媽奶,頭兩個月一定要堅持埋身餵!

想成功餵媽媽奶,頭兩個月一定要堅持埋身餵!

FavoriteLoading收藏文章

作者\小娜執媽

Natto病左呀!又再度厭奶,星期日仲試過成日唔飲奶又唔飲水,只肯食Baby food!仲成12個鐘無尿痾,嚇到我死死下!呢兩晚都無覺好瞓!都唔知係咪因為飲少左媽媽奶!

我o既媽奶生涯差不多去到尾聲啦,係時候作個總結!

想成功餵媽媽奶,頭兩個月一定要堅持埋身餵!

一 開始我對自己可以順利餵媽媽奶嘅信心唔大!因為瘦底關係,食野又奄尖,又唔鍾意飲奶,一直覺得自己營養唔夠,未必夠奶餵Natto!好彩上奶順利,成功開始左奶媽生涯,但最初都幾辛苦,因為堅持埋身餵,所以休息會比餵奶粉既媽媽少,因為身兼奶奶+奶樽+媽媽關係,所以無人可能以接我更!辛苦D啦!我嘅經驗係想成功餵媽媽奶嘅話,頭兩個月一定要堅持埋身餵,等到奶量穩定左之後可以用Pump Pump下,試下用奶樽餵媽媽奶,等BB可以熟習下用奶樽,萬一之後返工,BB都唔會因為迷戀媽媽乳頭而抗拒食奶樽,但一定要BB已經熟哂埋身食先可以開始試餵奶樽,如果唔係就會令BB有乳頭混肴!

推薦閱讀:4個重點選個好奶泵,齊做富媽媽

只要全埋身餵得一頭半個月,奶量穩定後,就算有時餵少一兩餐都唔會點影響奶量嘅!

想成功餵媽媽奶,頭兩個月一定要堅持埋身餵!

飲食方面,同大肚一樣,除左酒同深海魚類,其餘都無特別戒口!就算係人地話食左會收奶嘅食物都一樣照食,唔覺得有影響奶量!聽過有人戒蛋、牛肉、海鮮,我自己就覺得除非試過食左之後令BB敏感,否則樣樣都唔食,媽媽同BB都唔夠營養!連乳鴿我都食過,無事!嘻!

想奶量夠,飲水飲湯係好重要嘅一環,不過我好懶飲!好彩Natto唔算大食,所以都夠食!我大概係返工前兩個月開始儲冰奶,儲夠廿幾包,返工後用Pump奶補返存貨!想慳D冰奶存貨嘅話,返工前同放工後都會埋身食返,一來又唔駛一日用甘多存貨,二來維持返起埋一日埋身兩三次,奶量就唔會跌得o甘勁!

推薦閱讀:母乳媽必喝泌乳湯水:炒米茶

人奶B係比奶粉B瘦少少,Natto成日都比人話瘦!雖然肥D得意D,不過都係個句,健康最緊要!So far,Natto出世至今都係病過兩次,而且每次都自然好返唔駛食葯!

餵人奶開頭係辛苦嘅太痴身!但餵熟左之後真係好方便,又唔駛座熱D奶,又唔駛洗奶樽,又唔駛帶奶出街!而家餵多左Formula,成日都要洗奶樽,洗到手都巢哂皮呀!

媽媽奶係天賜比BB同媽媽嘅禮物,希望各位媽媽好好珍惜,唔好因為懶(我都好懶,不過為左Natto都堅持)或者怕影響身材而放棄餵媽媽奶!既然而家D奶粉成日有問題,點解唔將最好最天然最無添加嘅野送比你最愛既寶寶呢!

【小娜執媽】授權轉載 原文出處【奶媽生涯總結】

延伸閱讀:餵母奶是條孤單路!母乳媽媽五件心酸事


相關內容:

這篇文章對您是否有幫助?
這篇文章對您是否有幫助?

關於作者

專欄作家

想投稿想分享,媽媽經專欄作家換你當!

推薦閱讀

我要回應

我要留言