首頁 » 作家投稿 » 懷孕與教養 » 懷孕大小事,結婚週年孕攝之旅

懷孕大小事,結婚週年孕攝之旅

FavoriteLoading收藏文章

到孕後期了,不經不覺次間小JM已經同我相處左7個月了,當中真係有驚又有喜。
驚:係因為孕初期生病,攪到好擔心
喜:係因為每一次同臭豬B見面都好感動,見到同Feel到佢既moment真係好開心

相信每個孕媽都會體會過當中的各種驚同喜,不過都希望各位孕媽可以享受下箇中的微妙感覺,因為當BB出世之後或者我地會更懷念BB係肚入面既moment~為左留住呢個特別時刻,我同老公就決定係結婚週年去台中搵紅豆影返輯 “孕照”。

其實係知道Bingo之前我地決定左每年大家既生日月(同老公一樣都係同月生日)都飛一轉台中,一來可以慶祝,二來可以搵朋友相聚但係當知道小JM既來臨之後,我地發現原來出年2月無得飛啦,所以就試下同老公商量,睇下有無可能係結婚週年飛

起初老公其實都反對,佢既原因係:
一來孕初期已經飛左一次;
二來怕臭豬B 成 7 個幾月飛會有危險;
三來HK都有孕照影

而我呢就表示 :
“法官大人,對於上述指控我表示反對,理據就係:
一,孕期間只要醫生證明身體健康係可以飛行,小JM 未over 32/36 weeks 航空公司都係可以飛架~XD
二,香港係有孕照影,不過要影得好少少閒閒地都3千幾,仲要得好少底片,又無相簿,又唔包化妝SET頭所以,本人請法官大人再考慮一下”。經過一段時間既溝通,老公終於都被我說服左,批准係結婚週年去影孕照啦!

今次係除左PW之外第二次以 “顧客” 身份再次光臨紅豆,今次結婚週年孕攝之旅既意義真係好特別。

紅豆既客服 Hannah 係事前一直用Email來同我溝通,每樣事情都為我解答得好清楚,仲幫我將個Schedule arrange得好好添呀

11/12 晚上8點幾到台中
12/12 早上10點開始揀衫,化妝
13/12 晏晝 5 點揀相     《--- 結婚週年當日揀相拎softcopy

12號當日我同老公一早起左身準備食少少野就出發去紅豆。(我失眠呀 )
*事前已經有人通左水話我知攝影師係邊個,所以我超放心 *

去到紅豆,好快就有職員帶我去揀衫,可惜孕照可以揀既衫唔算太多 (其實係我唔岩個Style )好彩我都有帶私伙,不過因為條裙得一個Size,所以我打算用完留俾紅豆,希望之後既孕媽都可以用得著啦,其實我揀左灰色紗,白色長紗都係攝影師後期諗到既,而有top既紗裙同球衣就係自備既,除左自備左自己既衫之外,我地仲帶左臭豬B既AJ衫同鞋,仲有臭豬B既隊衫添。

當所有要著既衫同道具都Ready好晒之後,職員就帶我去化妝,嘩嘩嘩。。。好驚喜,因為原來我既化妝師係 Abby仲記得第一日影PW個日都係Abby幫我化妝架,估唔到今日影孕照又遇返Abby,個感覺真係好warm,可能因為大家都已經熟絡左,Abby既手勢真係不容置疑,所以我都好放心俾佢幫我去攪,等佢慢慢自由發揮,出來既效果真係十個Like~

唔影個肚真係唔知我影緊孕照,個頭SET到似人地影PW咁~Abby仲話無見我年幾,我依然同PW個陣一樣咁靚同咁瘦 (Abby真係識氹人架者‌)Abby話個頭要浪漫風一啲,所以仲加左D小乾花,咁先可以Match返我條裙wor,真係十級用心,SET完晒頭,整好晒妝,Abby仲幫我影相,仲出左FB post(我都係後來先望到)

Abby話要影埋個肚咁人地先會知係孕照,因為我係非一般孕媽,(圖中為自備既衫,係第一個造型)

今日既造型同換衫次序會係咁:
1.)自備紗裙
2.)灰紗
3.)球衣
4.)白紗
5.)裸
( 裸孕照個Part 恕未能夠同大家分享,我都係怕嚇親大家同小B們就唔好啦)

講返攝影師,除左紅豆兩大巨頭 - REX 同 MARS之外,我都好想會係女攝影師幫我影,至少無咁尷尬,點知原來一早安排好,原來真係 Anber 幫我影,個心簡直開心到跳左出來到見到Anber後,知道佢原來好nice,更加放一百萬個心。

Anber每個shot都好用心去做,都會要求登光師做到底好細緻,就連拋花瓣佢都要求好高,燈光拋左不下五六次佢先收貨,仲要Anber有親自示範點拋~

不如一齊來睇下Anber 係FB post左既相先啦:

(以上紗衫由紅豆提供,攝影師 / 造型師會親自為你 “包” 好,避免走光)

講返一下點解我會想去紅豆影都唔想係HK影,都係不外乎一個 “錢” 字,係HK,要影一輯真係靚到人見人讚既孕照真係有D難,除非你捨得洗多少少錢,但一諗起俾完幾千又要搵化妝個下真係頭痛左,(我結婚都無試妝,所以孕照都唔會,因為我懶,我認 )

仲要幾千蚊可能只係得個10幾張相底,想話要晒又唔知加幾多,條數真係有排計,再者,最重要係難得有得飛多轉,唔係唔飛嘛?所以就有咁既決定,當然,大前題係一定要make sure自己身體同臭豬B身體都一切安好,又有齊晒醫生證明先好飛啦

講返紅豆個Package,真係幾抵,萬二台仔 (HKD都係3千)就有60張相,又有相簿,仲要呢種質素,係HK去邊搵先得架~所以就唯有任性少少,叫臭豬陪我去台中走一轉囉

係13號揀相當日,紅豆會將我地揀選好既60張底片燒落光碟再俾返我地,我地就係呢個咁特別既日子帶住一份咁珍貴既回憶準備去慶祝週年紀念!(咁岩原來紅豆第一校既時間係當年臭豬爸向我求婚既日子,到時又會係另一個special moment)

好啦,我都唔講太多,出多幾張相俾大家睇下啦!

延伸閱讀:【DIY手作】收藏寶寶超音波照,一張不用3元!

歡迎追蹤 小JM 既Fanspage 「傑。斯與晴」:

 

小JM既Facebook Page: 傑。斯   與   晴 (Jolie Babe。小JM の 成長印記)

本文為「駐站作家」自行上稿文章。
若您認為該文章涉及任何不當言論,請按此檢舉
檢舉關閉
這篇文章對您是否有幫助?
這篇文章對您是否有幫助?

關於作者

傑。斯與晴

在職80後情人節媽媽與元宵節寶寶。
新手媽媽細數生活中點滴動人時光,
紀錄及分享育兒小心得、親子旅行及購物分享。
如果有任何查詢/合作想搵我或者Jolie,
歡迎去我們的FB專頁https://www.facebook.com/cjoliema0222/
又或者email到: sleepyceci@hotmail.com

我要回應

我要留言