首頁 » 作家投稿 » 健康百寶箱 » 流感季節再加上九月開學,各位小朋友準備好預防未呀?醒你簡單5招減低病既機會

流感季節再加上九月開學,各位小朋友準備好預防未呀?醒你簡單5招減低病既機會

FavoriteLoading收藏文章

今年2月大家應該都記得乙型流感大爆發,當時有多間中小學同幼稚園都出現學童集體感染個案!

 

雖然筋肉寶寶未到返幼稚園既時候,不過當時自己帶佢去街都好驚會令到佢病「小朋友病最辛苦就係父母!」筋肉寶寶就快去到識行識走,要爸爸媽媽帶佢出去玩既階段,而佢感染唔同病毒既機會就大大提高,所以我開始搵唔同既健康Tips希望幫到佢亦幫到自己。

 

以下分享簡單又易做既方法比大家,雖然成日見到好似無咩用,不過Keep住做堅有幫助嫁,大家都要勤力遠離病菌侵襲呀!!

 

1, 保持雙手乾淨!

事源有一次我睇醫生佢同我講「只要勤洗手,病既機率真係會大大減低」由個時起我返到屋企第一時間就會衝去洗手同埋都盡量洗夠30秒,想知點洗先岩可以睇依度:正確洗手方法

 

 

2, 增強抵抗力 Power Up!!

盡量做下運動,如果真係無時間就嘗試從飲食入手:多飲水、少飲凍飲,多菜少肉及多食水果吸收維他命同微量元素

 

3, 出街必備防護用品!

有時出街好驚身邊會有人咳,所以自從我有左我就Keep住拎口罩同消毒濕紙巾,到宜家BB開始咩都想摸下,所以我都要準備適合嬰幼兒既消毒殺菌噴霧隨明隨地消毒佢既小手仔

 

4, 營造潔淨家居,嚴選成份安全的產品協助至為重要!

自從筋肉寶寶出世後我哋屋企既衛生程度提升至史無前例既最高級別,到宜家佢開始識爬識企,為左佢我哋會嚴選100%不含酒精,入口安全同唔刺激皮膚既消毒殺菌液去清潔

 

5, 大人細路常用物品要經常清潔!

相信大家都聽過最污糟其實就喺大家成日用既手機,我經常會清潔常用物品好似電話、出街袋同成日拎出拎入既銀包等等。以前無諗過要清潔,宜家諗返起以前咁耐都無清潔都覺得勁污糟呀!

知多一點點:消毒產品要識揀!!

我知道好多家長都會隨身袋住消毒殺菌噴霧,你宜家用緊個支有無認證?BB同小朋友用有無問題?有無腐蝕性呀?濕疹同敏感皮膚又岩唔岩用呢?

 

另外,市面上有大量消毒產品標榜殺滅99.9%細菌或者病毒,實際上殺滅細菌同殺滅病毒係有好大的差別,病毒引發既常見疾病有中東呼吸綜合症、流感,手足口病等等,而細菌同真菌引發既常見疾病有大腸桿菌、金色葡萄球菌,豬鏈球菌同沙門氏菌等等,所以如果你想買或者用緊的產品只係話殺菌或者殺滅病毒的話,變相保護就唔夠全面了,所以揀消毒產品真係要睇清楚先好買呀!

 

Kylife#90後媽媽#分享新手育兒經歷#享受每天與囝囝和貓貓共同成長的時刻

本文為「駐站作家」自行上稿文章。
若您認為該文章涉及任何不當言論,請按此檢舉
檢舉關閉

這篇文章對您是否有幫助?
這篇文章對您是否有幫助?

日月潭瑞居渡假飯店快閃7天$1399 ►

關於作者

kylife

90後媽媽分享懷孕歷程同照顧仔仔筋肉寶寶的搞笑經歷

我要回應

我要留言