首頁 » 作家投稿 » 懷孕與教養 » 【喬喬妹妹養育記1M】出世一個月,喬喬妹妹體重升幅驚人!

【喬喬妹妹養育記1M】出世一個月,喬喬妹妹體重升幅驚人!

FavoriteLoading收藏文章

喬喬係出世時岩岩6磅,之後係第三日出院之際,姑娘磅到喬喬體重跌咗1成,所以醫生唔比走要再觀察,之後我按姑娘指引補奶粉,到第二日磅數有合理升幅先有得返屋企,返到去心情好好再加上飲埋坐月湯水,我既奶量自然多啲,不過我一個不經意既飲食小改變似乎令喬喬妹妹體重升幅加快!

 

我今胎唔鍾意飲肉湯,煲完既肉多數好老,我未必食到會浪費咗,所以我叫媽咪用栗子代替瘦肉,再加入紅腰豆,腰果或者合桃等常見坐月煲湯材料代替肉類蛋白質,湯渣我餐餐都清曬,吸收曬精華同超豐富蛋白質,正正因為餵母乳,變相喬喬一樣咁吸收。

 

喬喬出世第五日去健康院磅到5.8磅,到一個月後磅到接近8.7磅,醫生姑娘大讚體重升幅好靚,睇相就知,佢好快已經兩邊肥面出曬嚟,再加上接近全身都有米芝蓮線,我比較少見母乳BB都有谷到咁肥,除非BB本身好吸收!

 

其實哥哥皓皓細個食母乳比喬喬好好多,佢好定時每兩個鐘食一次,相反喬喬食得一般般,好多時三個鐘先肯食,不過兩個小朋友體重升幅都幾大分別,升幅似乎同我吸收高質蛋白質有關係。

 

不過當然我都有疑惑究竟有冇問題,所以我同喬喬去健康院嗰時都特登問一問姑娘,不過姑娘話無問題,而且仲對我產後傷口修復有幫助添,所以我都放心曬,以上係不科學bb增肥方法,未必個個bb都有同樣效果嫁!

 

 

——————————–

唔好錯過我哋親子育兒同每週食譜分享!

快啲like及搶先看我哋專頁!Kylife與二寶之日常

快啲加入懶人食譜Group,齊齊分享!shorturl.at/alLM0

記得追蹤埋我哋IG呀!kylife.babies

———————————-

關於作者

kylife

90後媽媽分享懷孕歷程同照顧仔仔筋肉寶寶的搞笑經歷

我覺得這篇文章 ...

這篇文章對您是否有幫助?
檢舉
檢舉關閉
加入媽媽經

我要回應

我要留言

推薦閱讀

媽媽經輕食享瘦餐,減重不挨餓