首頁 » 生活放輕鬆 » 帶著小B去旅行,小B泡溫泉知識

帶著小B去旅行,小B泡溫泉知識

帶著小B去旅行,小B泡溫泉知識

FavoriteLoading收藏文章

對於新手媽媽帶著小B去旅行,一定會出現各種不同既問題,但去得旅行就緊係想好好Relax一下,之但係,帶著小B又可以點relax呢?其實你問我既,我會話:去日本同台灣可以考慮浸下溫泉喎!

當時,每當我論完「浸溫泉」呢三個字既時候,其他媽媽都會有以下疑問:「小B咁細乜可以浸溫泉架咩?」「小B咁細會唔會浸完唔好架?會唔會熱得滯傷到小B架?」「小B浸溫泉浸得幾耐架?」「其實係咪小B唔浸得溫泉架?」仲有之餘此類各或各樣既問題……總之你諗到既都會有

不如就一齊了解下「小B泡溫泉」既小知識啦!咁就唔駛估估下啦嘛!到時去浸仲可以帶埋小B一齊去添!

小B可唔可以浸溫泉?

其實目前日本、台灣等地浸溫泉都無歲數限制,但如果係帶小B去既話,當然小B最好係同爸爸媽媽一齊浸啦!一來係安全問題,二來又可以增加親子時間嘛!

帶著小B去旅行,小B泡溫泉知識

溫泉都有分種類?

溫泉的確係有分好幾類既,因為溫泉都有酸性及鹼性之分。溫泉既種類分別有:
-碳酸泉
-碳酸氫鈉泉
-鹽泉
-單純泉
-硫磺泉

一般而言,硫磺泉屬於比較刺激既一類,所以並唔建議帶小B去浸。想要安心又放心就緊係揀一啲溫和啲溫泉同小B一齊浸啦!

泡溫泉小知識
1.)注意溫度及浸泡時間

- 對小B而言最舒適既溫度大約係攝氏三十八度左右,而因為小B身體嬌小,再加上血液循環快,所以爸爸媽媽要切記唔好俾小B泡係溫泉水中太耐。可以先讓小B泡五分鐘,再休息,再泡十分鐘,再休息,以交替方式俾小B慢慢去適應發調節。

2.)多留意小B既反應

- 爸爸媽媽要多加留意小B浸泡溫泉時或浸泡之後既反應,以防小B會產生不適。特別係以「冷熱水交替浸泡」既方法,因為一冷一熱會好容易令小B唔適應而產生不適反應。另外,爸爸媽媽亦需要留意小B既皮膚。一般泡浸溫泉而言,小B同大人一樣都會出現皮膚紅紅地既反應,其實都屬正常既。如果怕泉水會對小B皮膚造成刺激的話,可以為小B輕輕以清水沖身就可以,又或者怕太乾燥既可以搽潤膚液都可以。

浸泡溫泉需注意既安全知識

- 要小心留意池底或浴池底,以防有跣腳既可能
- 爸爸媽媽可以安排小B一同坐在池邊或浴池邊一起泡浸
- 就日本而言,會有一些溫泉含有小童及幼童池,或提供不同既設備等,可以預先與溫泉旅館作出溝通,以便安排。
- 空肚或剛食飽都不適宜浸泡溫泉,應該先稍作休息。而泡浴之前可以先為小B以溫水沖身,以作適應。
- 小B浸泡溫泉時最好水位不要高於小B既胸口,以免有機會發生意外。
- 如小B皮膚出現問題,如發炎等就不適宜泡溫泉,以免造成更嚴重的皮膚問題。
- 浸泡溫泉後可以清水沖身,要注意清潔皮膚及指間既摺位。
- 浸泡溫泉後唔好俾小B太大力抓皮膚,以免誤傷,如果皮膚乾燥就應該幫小B搽潤膚液

其實浸泡溫泉係一件樂事,適合一家大小,只要浸泡得宜既話,都不嘗係一個Relax既好方法。如果小B訓左既話,就更加Perfect!哈哈! 爸爸媽媽就可以嘆住慢慢浸!

下一篇Blog將會為大家介紹福岡之旅所入住既古式溫泉旅館。有興趣一家大小一齊去既可以留意一下囉!
傑。斯 與 晴】授權轉載 原文出處【C。J の 帶著小B去旅行。帶小B泡溫泉知識

延伸閱讀:十個你必須要知道的泡湯小知識

關於作者與本篇文章

傑。斯與晴

在職80後情人節媽媽與元宵節寶寶。
新手媽媽細數生活中點滴動人時光,
紀錄及分享育兒小心得、親子旅行及購物分享。
如果有任何查詢/合作想搵我或者Jolie,
歡迎去我們的FB專頁https://www.facebook.com/cjoliema0222/
又或者email到: [email protected]


我要回應

我要留言

推薦閱讀