慳家小貼示：平購BB用品秘笈

最近收到一些媽媽私訊問孖寶的衫仔係邊度買的？所以今次就同大家分享一下。

坦白講，作為孖媽的時間實在是太有限了，所以我大部份買比Caydan Ramsey的衣服都係網購回港的。有時Citistore, Aeon做減價的時候我都會為他們置裝的。上次Aeon大減價時，孖爸已經買了兩件United of Benetton的厚大衣比孖寶出年冬天著。咁當然唔小得一些香港本土的品牌啦，我地作為真香港 BBs絕對都係會支持本土的品牌的。

入正題啦，我其實主力買的有3個美國brand，都係經集運group埋d shipment一齊送返香港的。

我最常買的呢就係Carters，因為好多唔同的款。不過男仔的款來來去去都係咁上下。

以下呢堆就係3月Carters有SALES個時訂定返來的夏天衫啦！我大部份款都係會訂2件，不過會唔同色的比孖寶。因為我唔想一色一樣。

再其次我都訂得最的呢就係Polo，由佢地未出世到以家都已經訂左4-5轉返香港啦。都係有discount個時入手的，比正價平好多。但係我以家發現佢地好多都係著1-2次就已經唔岩著啦，Polo既衫折左都唔算太平，咁樣只係著1-2次法圍起上來真係唔係幾抵。所以我都會收下手。等佢地再大 d 2-3yrs個時的身形再買，會可以著得耐d、抵d。

呢堆就係3月尾入季前係美國訂定返來的夏天衫啦！

GAP都係其中一家我成日買衫比Caydan Ramsey的，可能你地會話香港都有GAP啦。不過美國如果減起上來真係好平，再加埋佢有時買滿幾多入個promotion code會再有extra的折。所以有時我都會係美國GAP買返來的。

這一些就係4月頭係美國Gap訂定返來比孖寶的衫仔啦！其中有2件Jacket係買定出年Winter比佢地著的呀！因為真係減到好平。

其實Gap同Old Navy係同一家公司的，Old Navy可以算係平價版的Gap。不過d衫的料都係差不多，幾好的。

而款色都幾多下，不過都係個句，男仔衫的款來來去去都係差不多的啦。

又同大家開心share今次係Old Navy入手的戰利品啦~我自己覺得D款都好得意呀！又係同款唔同色咁啦，孖仔裝。

而另一家係英國的Next係我第一次入手的，其實好多媽咪都係Next買過，我比較out竟然係第一次買。不過呢，佢d料真係幾好，而且由英國ship到返香港都係5日左右。

上年入人地介紹你的promotion code,滿HK$500可以平HK$100的。今年已經無左lu，唔抵…。wahaha!

其實Next係香港有一間shop的，在Causeway Bay皇室堡,之前有discount我都有買過。上個月孖爸都有在shop買了2條pants比他們。

不過經Next Direct直接order回香港的確係平好多的，有平左差不多40%的。大家都可以去仍地的web site睇下呀！

外國網購小教學：

– 大家第一次登記account時通常都會有一次性的discount，記底佢email比你的promote code之後check out時入返就會有折。
– 而有d 品牌你subscribe佢的newsletter,佢又會有extra的折offer比你。
– 咁你subscribe左佢的newsletter，佢有咩大減價就自然會email通知你啦
– 美國集運呢，我用過好多間，有SF Express，USA Direct，Buy & Ship等等。
– USA Direct 就有英國ship返來的，我之前英國買Clarks鞋返來都係用佢。不過真心一d都唔平。就算經佢地由韓國ship返香港都不平的。不過無試過lost件，我用左1-2年。
– 而SF Express 價格都OK，不過好像比較耐先ship到香港
– Buy and Ship價格都合理，而最方便就係我地住個區有pick up點去提貨。佢地有美國,韓國集運服務。好似連都日本，不過未用過日本。其實市面上仲有好多其他集運公司，大家都可以自己留意下，比較下的。
– 最後就係美國11月開始的，Thanks Giving, Cyber Monday，到年底都會陸陸續續咁開始sale，要入手平貨就要留意住啦。

其實係美國我仲訂好多其他野返香港的，有孖寶用的cream啦，自己的衣服和鞋（英國Clarks），玩具，書仔，咩都有。