首頁 » 作家投稿 » 生活放輕鬆 » 【台北親子遊】超好玩室內遊戲室 x 親子餐廳 x 24個主題 x 波波池

【台北親子遊】超好玩室內遊戲室 x 親子餐廳 x 24個主題 x 波波池

和牛b媽媽 發表於 2019-05-23 
看留言討論

FavoriteLoading收藏文章

 
台灣經常都會落雨，所以本身計劃咗好多戶外活動都要馬上取消。
今次嘅台灣之旅，我哋一行四大兩小一個BB。
 
所以行程上，絕對以小朋友為主。
 

 
今次再來一個超好玩，超放電，男孩女孩都好鍾意嘅室內遊樂場，餐廳入面仲有小餐廳。
 
遊戲區足足有24個主題玩樂遊戲，遊戲有動又有靜，呢到足夠小朋友玩數小時。
 

 
我今次要介紹嘅係「貝兒絲樂園」，真心超好玩!! 
場內仲以日本文化為主題，場內仲有提供兒童和服免費穿，每個小區主題都有唔同嘅服飾~
 

 
場內最吸引就係每間唔同主題嘅小屋，小屋入面除咗有齊相關配件，仲有唔同嘅角色扮演服裝。
 

^ 扮忍者，仲有小型波波池，仲有忍者衫~
 
除咗有商店街，仲有日本祭典造型; 
 

 

^ 壽司都非常精美，真嘅一樣!!
 

^ 甜品店嘅老闆，可以扮演沖咖啡、冬甩、甜品。
 

^ 日本拉麵檔，材料超齊全呀!!!
 
日本澡堂，進入澡堂又係小朋友最愛嘅波波池呀~
 

 
小朋友仲可以扮警察，有齊唔同配備俾小朋友揀嚟用~
 

 
與音樂有關嘅主題房
 

 
仲有男生最愛嘅車車、工程師。
 

 
亦有女生最愛嘅咪露公仔~

 

^仲有Poli Car嘅小型機動遊戲
 
除咗角色扮演有關嘅主題之外，仲有讓大家發揮想像力嘅札幌嘅雪地玩雪，有好多小工具可以用。
 

 

遊戲區入面白色嘅「雪」係白色嘅膠珠，家長要留意幼兒進入遊戲區會否吞服。
 
除咗玩「雪」之外，仲可以玩水，遊戲區除咗有大、小拖鞋俾家長及小朋友穿著進入外，仲配有防水衣俾小朋友穿著。
 

 
撈金魚遊戲，留意小只係膠魚~
 

 
必影靚相位，穿上和服影就更加靚。
 

 
仲有好多唔同尺碼嘅公主衫、表演衫可以免費著，有Elsa、Anna、白雪公主等。
 

無限放電嘅區，波波池、滑梯、彈床仲有小迷宮。
 

 

^ 三色滑梯
 

^ 仲有黃色波波池
 

^ 盡情放電嘅和牛B。
 

^ 樂園仲有工作坊可以報名參加
 

^ 仲有電子遊戲機
 
呢到亦適合幼兒玩，有一個幼兒區有各式各樣嘅玩具，以及圖書。
 

 
櫻花食堂
而「貝兒絲樂園」仲有餐廳，座位唔算多，係自助形式。
落單可同入場嘅職員點餐，然後自取食物、餐具、飲品。
**餐廳截單時間比樂園收得早，如果夜晚去又想食埋飯嘅話，建議先同職員查詢仲可唔可以落單先好入場了。
 

 
餐牌選擇唔算好多，我哋點咗4份餐。
 

 

炸物拼盤 (NT220)、菠菜起司雞丁義大利麵 (NT160)

蘑菇里肌燴飯 (NT170)、紅燒紅酒牛腩飯 (NT180)
 
餐廳入面仲有提供風筒、叉電區。
 

 
入場費:
店員建議我哋申請一張儲值卡，價錢為NT3,600，儲值形式我哋一行7人入場，相比起按人頭收費更划算，抵玩。
儲值卡嘅點數，仲可以扣除食物費用，亦無限年期。
申請一張儲值卡之後，下一次再來台灣都仲可以使用。
 

 
【貝兒絲樂園。南港店】
地址：台北市南港區忠孝東路七段371號B1AF (南港環球購物中心) (捷運南港站2A出口)
營業時間：11am. – 9pm.
 
 
————————————————–

歡迎聯絡我&和牛B: [email protected]
Facebook專頁: 和牛B嘅成長專頁

Instagram: wagyubmami

 

 

 

 

 

 

 

 

 

 

 

 

 


————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

關於作者與本篇文章

和牛b媽媽

在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。

看作者所有文章

我要回應

我要留言

推薦閱讀

{澳門景點}荔枝碗船廠片區／澳門最新親子免費景點，超高兩層樓超攀溜滑梯，還有許多造船多媒體互動設施，絕對是澳門路環必遊景點

{澳門景點}荔枝碗船廠片區／澳門最新親子免費景點，超高兩層樓超攀溜滑梯，還有許多造船多媒體互動設施，絕對是澳門路環必遊景點

別讓一姐不開心 發表於 2025-08-10 

{澳門景點}荔枝碗船廠片區／澳門最新親子免費景點，超高兩層樓超攀溜滑梯，還有許多造船多媒體互動設施，絕對是澳門路...