首頁 » 作家投稿 » 生活放輕鬆 » 【幼兒健康】關於幼兒的斜視、鬥雞眼。健康院與眼科專科醫生

【幼兒健康】關於幼兒的斜視、鬥雞眼。健康院與眼科專科醫生

和牛b媽媽 發表於 2018-06-20 
看留言討論

FavoriteLoading收藏文章

較早前，我哋透過和牛B嘅相發現佢雙眼似乎出現咗一啲問題，我哋留意到和牛B左眼瞳孔喺有啲情況下會出現瞳孔向入(眼角)傾。
 
於是，我哋去健康院查詢有關問題，健康院姑娘好好，亦為我哋免費安排到健康院問症及檢查。
 
當日去到健康院，一如以往需要度高同磅重。姑娘話體重、身高於正常合格水平。
 
然後，再等叫名姑娘再問一次我哋發現嘅問題。問完症之後，再到大堂等叫名。終於見到醫生，醫生有了解我哋嘅情況，而醫生都簡單說明咗斜視、假斜祝同埋鬥雞係啲咩。
 
什麼是斜視?
–正常的人看東西時，兩隻眼睛的視軸平行，雙眼望向同一方向。 –斜視是指看東西時，雙眼的視軸不平行，一隻眼珠注視目標，另一隻眼珠望向其他方向，視線偏離目標。 –不正常的眼珠可以向內、外、上或下傾斜。內斜視是其中一種較常見的斜視。 *資料來源自衛生署

健康院醫生利用電筒叫和牛B眼睛追光，醫生話和牛B眼睛係追到晒所有位置。但係去到斜視呢一個問題，健康院方面嘅儀器就未能100%斷症。所以建議家長儘早去眼科專科醫生到檢查，唔好拖到四歲政府檢查。 (*留意一般眼鏡舖視光師係未能斷症)
 
終於約咗一位眼科專科醫生幫和牛B檢查眼睛，醫生幫和牛B做咗幾個簡單檢查，包括用一把有圖案嘅間尺，同樣係測試和牛B瞳孔可唔可以正常郁動追到圖案。

電筒照清雙眼瞳孔、用手遮蓋和牛B一邊眼睛做測試。
 
結果得出和牛B絕對係100%無鬥雞、無斜視，而點解我哋會覺得和牛B左眼瞳孔向入傾呢? 就要追溯返「無人係完美」呢一點，和牛B左眼眼角皮膚比右邊生得長，所以遮蓋眼角(眼白)部分比右邊多咗。所以視覺上，佢左眼瞳孔就好似向入傾。

 
醫生證明和牛B並無鬥雞無斜視嘅說明
1.   當醫生用手遮蓋和牛B左眼，左眼瞳孔自然向外走，醫生話呢個情況叫外斜視，普遍嘅香港人都有呢個情況。而當瞳孔會向外傾嘅話，就即係唔會有鬥雞問題，相反有鬥雞眼情況嘅話，當其中一隻眼睛被遮蓋嘅同時，該瞳孔向內傾，走咗入眼角，呢個情況下就係鬥雞嘅徵狀。
2.   用電筒照住和牛B雙眼瞳孔，瞳孔會有一點發光位，而發光位都係平衡喺正中間，所以並無斜視。
 
當日醫生話和牛B好合作，所以仲順便幫和牛B驗埋眼睇下有冇近視/ 遠視。
結果非常好，和牛B暫時都無近視，無遠視。但醫生都建議家長定期每一年都要幫小朋友做返視力檢極，特別係父母有深近視更加要留意。
 
如果小朋友未足4歲前發現有任何問題，記得要儘快搵眼科專科醫生檢查，千祈唔好拖延呀!!
而我嘅資料，只係俾大家做參考，要斷症最好都係快啲搵專業嘅醫生去判斷。而政府嘅免費檢查係四歲，主要以視力測試為主。

 
 
關於兒童斜視之詳細資料: 家庭健康服務– 兒童斜視眼與假斜視
————————————————–
歡迎聯絡我&和牛B: [email protected]
Facebook專頁: 和牛B嘅成長專頁

Instagram: wagyubmami

 

 

 

 

 

 

 

 

 

 

 

 

 

————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

關於作者與本篇文章

和牛b媽媽

在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。

看作者所有文章

我要回應

我要留言

推薦閱讀

【蘆洲美食】初鼎陶燒小鍋｜捷運站旁超強高CP值火鍋！耗時3天滷製「麻香牛腱鍋」老饕必點，浮誇海陸雙享鍋蝦子滿出來！

【蘆洲美食】初鼎陶燒小鍋｜捷運站旁超強高CP值火鍋！耗時3天滷製「麻香牛腱鍋」老饕必點，浮誇海陸雙享鍋蝦子滿出來！

別讓一姐不開心 發表於 2026-04-06 

身為火鍋控，今天要來跟大家分享一家位於蘆洲的隱藏版實力派小火鍋——【初鼎陶燒小鍋】。 這...