【大阪親子遊】Day 4。「環球影城」Part II x 美少女戰士 x 哈利波特及入園攻略
由於我哋7日6夜都主力以小朋友行程優先，所以嚟到USJ當然都係繼續小朋友優先啦。
基本上，小朋友想去邊到、玩咩我哋都會樂意配合同滿足咗佢哋先。
所以我哋四個大人基本上係無玩過任何適合大人嘅機動遊戲嘅，所以本篇都未能為大家介紹到樂園入面刺激嘅遊戲，到底係有幾好玩同有幾刺激。
但我會同大家分享樂園入面嘅所見所聞，首先介紹嘅係會令媽媽少女心大發嘅「美少女戰士Sailormoon」、然後仲有令大家充滿奇想嘅「哈利波特」。
【 美少女戰士Sailormoon】
其實一入園第一樣吸引到我嘅嘢，就係印有環球影城字嘅Sailormoon閃燈權杖!!!
而美少女戰士遊戲「The Miracle 4-D」都近正門處，正門直入步行大概數分鐘就會馬上見到!!
由於小朋友行程，所以我無去體驗到「The Miracle 4-D」。就主力入咗紀念品店到行，人流同款式都超多、精品超級靚!!!
▲ 一系列嘅首飾架!!!!
▲ 超靚，個蓋上面有個魔幻銀水晶!!
▲ 手信之選，一盒有好多塊，絕對夠派俾一班同樣鍾意美少女戰士嘅好姊妹呀!!
▲ 變身鏡盒造型嘅糖果盒，超超超靚呀!!!
▲ 權杖造型嘅自拍棍，略嫌有點重…
▲ 服飾系列
▲ 毛巾仔套裝
紀念品嘅款式實在超級多，仲有一部銅幣機200円一個。
如果想變身扮下美少女戰士，呢到有間專業商品店，可以俾你租用權杖服飾扮Pose影相。
入園必買產品，美少女戰士爆谷桶!!! 2,300円，爆谷仲好好食。
而美少女戰士紀念品店嘅對面，有間餐廳亦有出售以美少女戰士為主題嘅飲品同甜品。
但係見到實物，就覺得唔算吸引~
【 哈利波特魔法世界 】
從現代途經一個樹林，穿過樹林之後我哋就嚟到「哈利波特魔法世界」。真係同電影場景一樣，每個角落都覺得好新奇!!
▲ 電影情節入面嘅蒸汽火車
▲ 仲有得買人物角色專用嘅魔法杖
嚟到當然都要睇下紀念品店啦，有精品、服飾、公仔等。
我哋身後面，就係霍格華茲啦~~~
【 小小兵樂園 】
Minions迷必定要到園區，人流相對比「環球奇境」(兒童區)仲要多。
一連4間紀念品店，超級多人，款式超級多。
其實整個園區，仲有其他紀念品店都有好多Minions紀念品、手信出售。
而整個樂園都超有氣氛，卡通人物周圍都會見到。佢哋同香港好唔同，啲卡通公仔都好熱情。仲要…佢哋會突然之間唔需要排隊，公仔鍾意捉住邊個影相就同邊個影相。
除咗周圍都見到卡通人物之外，有好幾個地點都會定時有表演睇。
我哋就巧遇芝麻街人物載歌載舞，佢哋嘅演藝人員好犀利，著住咁焗嘅公仔衫，仲可以親身上陣表演玩樂器。
▲ 佢哋真係敲梗樂器o架!!
【 樂園紀念品 】
樂園好大，紀念品店都超級多，選擇亦係好多。園內都設有信用卡付款，所以絕對唔需要擔心唔夠現金付款。
如果自己有小朋友，真係會買到好瘋狂!! 因為全部都好可愛!!
口水肩、小童底褲…乜都齊!!
當然會照顧埋一眾大人啦，大人嘅底褲都有，超可愛呀!!haha
服飾同毛公仔絕對係出現得最多嘅產品。
位於「環球奇境」入面嘅史努比電影工作室紀念品店。
除咗文具精品、毛公仔、頭飾、服飾等，就連即食麵都有呀。
【 退稅 】
相信大家入到環球影城，買嘢都買到手軟。臨走之前，一定要記得拎齊所有收據，去正門口旁做返退稅手續呀，買滿5,000円就能夠退稅。
基本上只有餐飲(包括爆谷桶)唔接受退稅之外，其餘所有紀念品都有得退稅。
就連退稅嘅服務中心入面，都仲有紀念品買~~日本人真係好周到呀 (哈)。
▲ 忍手咗少少，所以大部分都只係美少女戰士同埋一啲食物類嘅手信
更詳細嘅退稅資料 (**資料來源自Klook)
【2018 日本退稅攻略 】旅日必看！ 一篇搞懂日本退稅流程、計算！
【 下載手機應用程式 】
呢個手機應用程式「USJ Guide」非常好用，因為入面有齊USJ嘅遊樂設施等候時間、遊行表演時間、餐廳資料、地圖、資訊。
▲ 表演時間表
▲ 遊妹設施即時等候時間，可以幫你好好規劃行程
【 預訂入場門券及快速通行証 (Express) 】
上門都有提及，即場買入場券排隊人龍超級長。所以建議於網上預訂門票，入場出示QR Code就可以入場。超省時間，又方便。
而門票價錢，以一日門票來做說明成人連稅7,900円，小童(4-11歲)連稅5,400円。我哋比較於Klook (https://www.klook.com/zh-HK/) 及KKday (https://www.kkday.com/zh-hk) 輸入「大阪環球影城」格過價錢，KKday只有1.5日入場券或一日門票連同快速通行証(Express)，如果想買1日門票同時又唔需要買快速通行証(Express) 就一定要喺klook到網上訂飛。而總括比較之外，Klook價錢亦相對比KKday平。而Klook快速通行証嘅選擇亦相對比較多款，可以分拆嚟買。可以揀 1 個遊戲、4個遊戲又或者7個遊戲都得。
快速通行証: 可以幫你省卻超長嘅排隊時間，優先進入遊戲。而快速通行証亦有分為兩個大項目「飛天翼龍７」及「逆轉世界７」
飛天翼龍7:
1. 哈利波特禁忌之旅
2. 鷹馬的飛行
3. 小小兵・瘋狂乘車遊
4. 飛天翼龍
5. 蜘蛛俠驚魂歷險記・乘車遊 / 大白鯊（二選一）
6. 好萊塢美夢・乘車遊 / 浴火赤子情（二選一）
7. 侏儸紀公園・乘船遊 / 魔鬼終結者（二選一）
逆轉世界7:
1. 哈利波特禁忌之旅
2. 鷹馬的飛行
3. 小小兵・瘋狂乘車遊
4. 好萊塢美夢乘車遊・逆轉世界
5. 蜘蛛俠驚魂歷險記・乘車遊 / 大白鯊（二選一）
6. 好萊塢美夢・乘車遊 / 浴火赤子情（二選一）
7. 侏儸紀公園・乘船遊 / 魔鬼終結者（二選一）
環球影城 Universal Studios Japan
開放時間：9am – 9pm
地址：2 Chome-1-33 Sakurajima, Konohana-ku, Ōsaka-shi, Ōsaka-fu 554-0031日本
入場券:
成人: 7,315円（税込7,900円）
小童 (4～11歳)： 5,000円（税込5,400円）
入場券:
成人: 7,315円（税込7,900円）
小童 (4～11歳)： 5,000円（税込5,400円）
https://www.usj.co.jp/
2018年大阪親子遊行程
【大阪親子遊】行程簡介，Day 1 Hea遊大阪
【大阪親子遊】大阪城 + 大阪城公園 x 超長滑梯。Day 2 – Part I
【大阪親子遊】大阪城 + 大阪城公園 x 超長滑梯。Day 2 – Part I
【大阪親子遊】超多嘢玩嘅室內場Kids Plaza。Day 2 – Part II (超多圖)
【大阪親子遊】超多嘢玩嘅室內之選Kids Plaza。Day 2 – Part III (超多圖)
【大阪親子遊】放電公園 – 扇町公園及CP值超高燒肉放題。Day 2 – Part IV
【大阪親子遊】超好玩。神戶麵包超人兒童博物館(超多圖)。Day 3 – Part I
【大阪親子遊】神戶麵包超人兒童博物館。细菌秘密基地 – Day 3 – Part II
【大阪親子遊】Day 4。必到景點「環球影城」 x Hello Kitty。Elmo。Snoopy– Part I
————————————————–
歡迎聯絡我&和牛B: [email protected]
Facebook專頁: 和牛B嘅成長專頁
Instagram: wagyubmami
————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
關於作者與本篇文章
6個追蹤 和牛b媽媽
在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。
推薦閱讀
旅遊不知去哪裡，跟媽媽經放心玩
放假跟著媽媽經一起放心玩，精選台灣各地高CP值渡假飯店，為每一個家庭帶來快樂十足的親子假期！
多效合一丟掉瓶罐.比蜜蜂爺爺划算成份升級.Mu Light紫草艾草萬用膏
從此包包丟掉10瓶瓶罐罐！台灣品牌「Mu Light紫草‧艾草萬用膏」用一次就愛上，是全家大小的肌膚救...
台、以精神障礙者服務交流
文、攝影｜朱聖恩 在駐台北以色列經濟文化辦事處安排下，以色列社會企業Shekulo T...
上場揮棒吧！南區樂樂棒球賽場上的喜悅與成長
(圖說:選手用力揮棒，成功打擊。) 文｜蘇麗華 攝影｜何坤益 「樂樂棒...
{台北景點}ONE PIECE 歡樂派對嘉年華 就在臺北市立兒童新樂園，超高五米魯夫和喬巴，還有超好玩氣墊遊樂區，活動只到10/12，趕快來玩！
{台北景點}ONE PIECE 歡樂派對嘉年華 就在臺北市立兒童新樂園，超高五米魯夫和喬巴，還有超好玩氣墊遊樂區...
身障服務使用者努力學習為夢想出發 一起看見更大的世界
圖說：在志工的陪伴下，由新北市政府社會局委託伊甸基金會辦理「新豐小作所」與「幸福小作所」的服務使用者，展開臺中之...
我要回應