【濕疹BB】過來人分享，BB濕疹護理、避免方法

我: BB有濕疹, 我餵母乳需唔需要戒口?

醫生: 除咗魚之外。所有海鮮唔食得，魚要留意返一定要食「咸水魚」。

我: 咁牛肉洗唔洗戒?

醫生: 唔需要

我: 我鍾意食辣，需唔需要戒?

醫生: 唔需要

至於加固方面，醫生亦有提及。要留意有部份食物比較高敏，BB要盡量避免;

BB 1歲半前要盡量避免進食 蕃茄、橙，因為呢兩種食物比較容易出現敏感情況。如果真係想餵BB食生果，食蘋果就一定冇事! 每一種食物，亦最好試足一星期先轉，咁就最安全。當然，如果食咗一次/一日就即刻出現敏感情況，咁就唔好再食。慢慢試，唔好心急，唔好一次過加幾種食材，萬一敏感都唔知係邊一樣食物引致BB敏感。

仲有就係，我唔建議使用芫茜水 或 金銀菊 抹皮膚。寶寶皮膚較幼嫩，而且每個人嘅膚質都唔同，未必每個人都適合。曾經，和牛B只有3、4個月大時，使用過金銀菊水沖涼，以致皮膚超敏感、皮膚超紅、濕疹更嚴重! 使用前，真係要三思! 

而家2歲10個月，皮膚已經好好多，就算濕疹發作，都只係好輕微，勤啲搽cream就會好返。不過，濕疹底嘅小朋友搽上身嘅嘢一定要小心選擇，同埋要keep住搽cream。