唔惹蚊的生活習慣小貼示：同場加影自己動手DIY做的抗蚊三寶

收藏文章

話說公公一句你地屋企真係「蚊兜」，皆因佢見到兩粒孫成日比蚊咬到成身係，都咪話唔心痛。相信大家同我地一樣，一到夏天就會好煩惱，因為又熱又潮濕特別容易滋生蚊患，不過其實蠓仲可怕過蚊，再加上我地住係d鄉郊地方，作為鄉下妹的我接觸嘅蚊蠓特別多。

但係市面大部分的驅蚊產品除咗有化學成份會傷害皮膚之外，甚至有可能產品本身已經係致敏原，基本上唔係太適合皮膚敏感嘅大小朋友使用。

仲有就係市面大部分嘅驅蚊產未必可以防蠓呢種可惡嘅生物。

所以孖媽不敢怠慢，嗱嗱聲的起心肝就自己DIY整我地家最強的【抗蚊三寶】：

1.怕怕蚊水Bug off Spray

2.再見蚊蠓膏 Bug Away Balm

3.痕癢救星膏Itchy Relief Balm

D 名係咪改得好堅先，呵呵！用落都真係堅呀，起碼上次佢地去野餐都無小咗好多蚊咬，如果以前未用自己DIY嘅【抗蚊三寶】前一定變了豬頭啦！

順道同大家分享一下，一些唔惹蚊的生活習慣：

1.注意維他命B1的攝取量（全麥穀物、魚類、肉類、各種蔬菜、豆類、酵母），經新陳代謝後，人體便會產生一種令蚊子討厭的特殊氣咪，可使蚊蟲敬而遠之。

2.比蚊咬某程序上同人體體液的酸鹼度有關，一般體液偏酸的人會比較容易被蚊咬，所以可以適當進食鹼性食物，如大豆、洋蔥、菠菜、馬鈴薯等，平衡體液的酸鹼度，間接驅蚊。另外，減少進食肉類、油炸食物，都有助預防蚊襲。
3.夏天可以試下食多d苦瓜清熱去毒，所含的物質亦係蚊子唔喜歡的。
4.流汗多、戶外活動或運動後，應盡快洗澡或用清水抹走汗水、汗味，還要更換衣服和襪子，因為蚊子也愛腳汗氣味的。

5.少用合成化學香水或具香味的化妝品或頭髮造型產品，因那些香氣會令蚊子吸引過來。
6.係戶外著淺色衫。
7.在室內種植一盆薄荷和番茄，其分泌出的味道可以驅趕蚊蟲，同時又可以綠化家居。