吉野家牛肉飯DIY：超簡易足料版

因為哥哥之前的病，目前不適宜到公眾場所，所以除咗郊外野餐之外，留在家中食飯就係不二之選。

尋日手痕，我就整咗呢個住家足料版吉x家牛肉飯，爸爸睇住兩個小人，我就簡單咁住一些小菜同湯，爸爸話d牛汁仲正過吉x家呀！而且村料簡單，易做，最快8分鐘可以開餐，好似我呢d懶人就可以煮到呀！

事不宜遲，就來同大家分享一下呢個足料住家版：吉x家牛肉飯食譜啦！
(推薦閱讀：【食譜】藍帶夾心漢堡排，方便媽媽的必學料理)

材料：

肥牛 1 pack
洋蔥 1個

醬汁：

開水 280 – 300ml
日本濃醬油 3湯匙
料理酒 2湯匙
味醂 2湯匙
砂糖 1湯匙
上湯粉 1 1/2湯匙

步驟：

1/ 洗淨洋蔥，切條，備用。
2/ 將所有醬汁加入拌匀，用中火煮滾。

3/ 醬汁煮滾後加入洋蔥，細火，煮淋。

4/ 最後加入肥牛，中火，打開煲蓋煮至牛肉熟透。

係唔係真係好簡單易做先，而且孖爸都話正過吉x家呀…呵呵！

多出來的牛汁，仲可以留來煮麵食呀！

呵呵，今次呢個牛肉飯真係幾正…成功！

4個追蹤

＊美國NAHA國際芳香治療師＊嬰兒按摩及瑜伽指導師＊國家兒童遊戲治療師＊兒童體適能教練＊

一日之間，成為兩子之母！充滿愛與驚喜。曾經致力遊歷世界唔同的地方，到而家變成致力育兒的雙職媽媽。希望把生活中每一個美好時光都記錄下來。親子育兒，美容扮靚，飲飲食食，購物，好物都想同大家分享! 更希望與大家一起見證孖寶的成長，分享他們生活的大小趣事。
如果有任何查詢/合作想搵我或者孖寶，歡迎去我

大家都在討論