首頁 » 作家投稿 » 生活放輕鬆 » 朝瞳玩什麼｜海洋公園都有Playgroup!?

朝瞳玩什麼｜海洋公園都有Playgroup!?

朝瞳媽 發表於 2017-11-17 
看留言討論

FavoriteLoading收藏文章

眼利嘅媽媽們可能一早已經留意到海洋公園係9月份推出咗「恒常教育課程」畀2至6歲嘅小朋友，內容包括30分鐘自然探索、15分鐘團體活動時間、45分鐘藝術創作/ 感官遊戲/ Messy Play自由創作/故事分享，而導師話每次內容都會唔一樣的，詳情可以參考官方網頁。基於好奇心，再加上幾位朋友仔都一齊去，於是朝瞳就展開一次海洋公園Playgroup之旅！

朝瞳同朋友仔一早就到指定集合地點等，而當日嘅導師（一位外籍姐姐、兩位Local姐姐）都有提早出嚟同小學員點名、派Name Label，仲開始同小朋友傾計，十分Nice。

夠鐘，三位導師就帶我地入場，入場路線同一般入園客人一樣，所以要拖實小朋友跟實導師，唔好走散。

第一站，我地入到位於熊貓館嘅其中一個課室，由於課室內唔畀拍攝，所以睇我口述啦。入到課室，大家除鞋圍圈坐，外籍導師就開始同小朋友Greeting，稍為warm up一 下，就再走出課室出發去海洋館喇！

導師拎出一條圈圈帶，分兩組，要小朋友手拎圈圈，導師就拖住一串”小火車”出發～幾個小朋友跟住行入海洋館，畫面十分有趣。點解我要特別寫呢個？因為朝瞳好鐘意咁樣跟住行。

入到海洋館，會停係超大魚缸前睇魚，導師會同時介紹魚名。8分鐘左右又轉另一個地方睇，睇完就番去課室喇。外籍導師月同另一位Local導師就同小朋友講故事、唱歌，都係圍繞海洋生物的～內容都豐富，亦有互動，氣氛不錯。

 

最後，小朋友可以輪流做Art Work 同玩Messy Play。當日嘅Art Work 係填色再噴水貼海洋動物剪影，而Messy Play 就係玩水搵海洋動物。眼見參加嘅小朋友都好開心，如果住係南區嘅，相信當作恆常課參加都不失為一個好選擇。對於朝瞳呢啲新界友，只好試堂體驗一下。

關於作者與本篇文章

朝瞳媽

「做呀媽好辛苦」個個都知，成媽之路比同輩行早左幾年，發現後生做呀媽其實好好玩！眼見身邊愈來愈多朋友做呀媽，好想分享90後湊囡日常，講下教養之道、親子共讀樂趣，參加社區活動！ 可以瀏覽我地嘅page或Inbox聯絡我地~

看作者所有文章

我要回應

我要留言

推薦閱讀