首頁 » 作家投稿 » 生活放輕鬆 » 【牛棚入伙】新居除甲醛、除味妙法

【牛棚入伙】新居除甲醛、除味妙法

和牛b媽媽 發表於 2018-01-22 
看留言討論

FavoriteLoading收藏文章

期待已久，終於我哋可以搬去新居「牛棚」啦。

 
而新屋裝修或有新傢私，最煩惱嘅就係會有一大陣臭味。因為裝修過程入面有唔少化學藥劑以及甲醛，而甲醛亦都會對身體造成危害，特別係對小朋友，嚴重嘅話會即時有敏感情況出現。
 

裝修完，我哋已經清潔好，等間屋嘅味冇咁大先帶和牛B上去玩一陣。
 
首先裝修嘅時候我哋已經揀咗立邦淨味兒童漆內牆乳膠漆，呢款油漆本身係不含甲醛、抗甲醛及淨味，所以相對價錢會貴少少，不過屋入面又真係無乜油漆味。反而係全屋訂造嘅櫃就好大陣臭味，所以全部櫃都要打開通一通風。
 

 
如果想徹底去除甲醛，坊間亦有唔少公司專門提供除甲醛嘅服務、亦有得買除甲醛噴灑劑等。但我聽做裝修嘅朋友講，噴灑劑嘅功效並唔夠持久。既然係咁，我就想試下用咗一啲最天然嘅方法去處理。
 
去除甲醛同大陣裝修味，我會將屋入面所有門、窗打開，開風扇吹，盡量令全間屋都通風。傢俱抹好幾次，另外仲會使用下面嘅嘢去除甲醛。
 

 
香薰油
薰衣草：中和甲醛和有害氣體
檸檬味：中和甲醛和有害氣體、清新室內空氣
尤加利精油：消毒、殺菌，增加空氣中嘅含氧量
自製噴霧
將檸檬精油(10滴)及尤加利精油(8滴)加入100ml水嘅噴壺裡，搖勻後噴灑在每個角落。
 

 
空氣凈化器
將適量香薰油加入空氣凈化器，有助分解空氣中的有害物質。
 

 
活性炭包
放置活性炭於房間、抽屜、衣櫃裡。
 

去味香劑
第一次試用「去味大師」，香味可以接受，而且真係可以掩蓋陣臭味。

 
放置檸檬/ 菠蘿
直接將數個新鮮檸檬切開，放置每個角落。原個新鮮菠蘿可以去街市買，大概$18/個。

由於主人房冇窗，所以我哋將成個菠蘿開邊，放入房嘅衣櫃，同埋地台床到吸味。香香甜甜嘅菠蘿，估佢唔到真係有幫助！
 

 
 
————————————————

歡迎聯絡我&和牛B: [email protected]
Facebook專頁: 和牛B嘅成長專頁

Instagram: wagyubmami

 

 

 

 

 

 

 

 

 

 

 

 


————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

關於作者與本篇文章

和牛b媽媽

在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。

看作者所有文章

我要回應

我要留言

推薦閱讀