【筋肉寶寶養育記21M】BB有一種曳叫媽咪係度特別曳！

收藏文章

唔知大家有無發覺小朋友係自己面前特別曳呢？

我同老公一個係全職爸爸、一個係半職媽媽﹐平時筋肉寶寶日頭會係婆婆照顧，下午收工我返屋企就到我睇住佢，所以好多時婆婆睇到筋肉寶寶由唔同人照顧的反應可以相差好大！！

 

首先講吓我湊佢、婆婆湊同其他人湊既分別啦！

如果婆婆湊佢，拖地時叫佢坐定定係沙發唔好落地，佢就真係乖乖地等。

不過我放假係屋企叫佢坐定定，佢會周圍走，仲要邊走邊對住我笑！

其他人照顧佢(唔常見的親戚)，佢直頭會變咗第二個BB，係乖到不得了的BB！叫佢做咩就做咩添！

 

訓下午教的情況

婆婆哄5分鐘內就會訓。

我起碼要哄接近30分鐘，因為好多時一入房佢以為我要同佢玩，所以佢會周圍爬周圍玩，完全唔訓！

 

我哋同佢出街同婆婆同佢出街的分別！

以往我哋同佢去街街，未到大門佢又要人抱抱，又或者fing開我哋手想自己跑！

不過原來婆婆同佢去街係可以慢慢拖住佢行到好遠都唔扭計！

 

我哋教導同老師教導既分別！

我哋依牌同佢去Playgroup玩的時候，筋肉寶寶係完全不受控同唔聽指令，拉佢埋去睇老師做咩，佢就會又喊又走！

只不過我哋去多幾次發覺原來只要老師單獨同佢講，佢個下真係會聽同會跟住做一陣嫁！

 

雖然曳曳多，但都總發掘到佢的乖乖之處！

雖然我係度佢會特別曳，不過我都發覺佢有乖乖的部分，多數我煮嘢比佢食，佢都會主動叫我抱佢上BB櫈食嘢，又會等我睇住佢慢慢食，依一樣係婆婆好少經歷到的部分！！

 

而你哋的小朋友係咪筋肉寶寶一樣呢，父母係度就特別曳曳呢？！

 

想睇其他簡單食譜、二寶日常點滴、親子好去處、淘寶好物，就記得follow我哋啦！

想知道關於餵母乳的問題或公立醫院產檢及分娩，歡迎嚟我專頁PM我嫁！

Instagram：IG連結  專頁：Kylife與二寶之日常

電飯煲簡單料理 X 雞肉懶人飯 X bb都鍾意食添 http://bit.ly/2I3x0Dy

大細都岩食 X 魚肉豆腐老少平安 X 撈飯一流 http://bit.ly/2YB02Be

媽媽必煮X 簡單滑溜肉碎蒸水蛋 X 一步步教你 http://bit.ly/2VQuFpu

媽媽小煮意X 筋肉寶寶勁開心 X 蛋香米餅 http://bit.ly/2JOTLxp

媽媽再嘗試 X 零難度BB芝士蛋飯糰 https://bit.ly/2P5R37i

媽媽初嘗試 X 零難度BB版Pancake https://bit.ly/2D7NCbA

媽媽又嚟煮 X 筋肉寶寶超like芝士蔬菜雞蛋卷 http://bit.ly/2IMNfHi