《小二中文默書》

不過，琴日同寶貝女試默，似乎又唔難上手喎，點解呢？

我估都係老師花嘅心機囉！其實小朋友喺真正要背默之前，老師已經為佢地一步一步咁做好準備。

先係寫詞語，平時嘅功課，寫吓課文嘅生字。背頌方面，原來老師上課嘅時候，已經同小朋友背熟晒，小朋友一齊背，或者老師又有自己一套方法去教，小朋友好易朗朗上口。

媽媽唯一要做嘅，就只係確認一下有冇其他字唔熟，抽出黎寫吓記吓，之後已經可以開始試吓背默喇。

喺默書上面，學校同老師嘅安排都算幾好，寶貝女向來對中文嘅信心都唔大，但係都可以舒舒服服應付默書，真係唔錯。

其實有時老師做咗唔少嘢家長未必知道，只係小朋友好少講，或者未能夠完全表達到，令我哋忽略咗老師嘅貢獻。感恩寶貝女身邊有唔少好老師，多謝你哋呀！❤

#又係中文老師 #學習要循序漸進 #我不是怪獸媽媽