首頁 » 作家投稿 » 生活放輕鬆 » 【假日好去處】親親大自然、MessyPlay、玩水、親子工作坊@WildPlay

【假日好去處】親親大自然、MessyPlay、玩水、親子工作坊@WildPlay

和牛b媽媽 發表於 2018-09-04 
看留言討論

FavoriteLoading收藏文章

踏入九月，可以進行多啲戶外活動啦。不過天氣仍然有啲熱，今次我介紹呢個場地，係可以由室內玩到室內，仲有水玩、顏色、親子工作坊添。

 重點係，可以親親大自然。場內仲設有有機農場，仲可以買新鮮有機蔬菜。

而地點係位於新界區，元朗溱柏入面嘅The Green Atrium。

▲整棟都係The Green Atrium

雖然呢個場地係有室內同室外，但和牛媽媽都建議最好好天氣先前來玩。因為戶外草地區，更能讓小朋友親親大自然，而玩嘅遊戲都好吸引。

 

▲ 超型、超有霸氣嘅剷泥車
 

▲ 人手彩繪嘅石頭過三關遊戲
 

▲ 人手彩繪嘅石頭
 

▲可愛嘅手推車
 

▲ 街邊賣花嘅小女孩
 

▲ 旋轉360坐墊 
 

▲ 與水有關嘅遊戲 

▲ 戶外區最吸引小朋友嘅環節，絕對就係Pool Party啦~

▲ 大玩顏色遊戲，旁邊放有唔同顏色嘅噴水壺，小朋友可以隨意於顏色板上噴射顏色。

▲ 仲有小朋友最愛嘅吹泡泡遊戲

【室內兒童遊戲室】

遊戲室入面有唔少利用環保材料製造嘅玩具，與環保生活息息相關。

▲ 除了環保玩具，當然亦有木製車仔積木玩具及幼兒玩具。

▲ 可愛嘅Miffy手推車玩具

▲ 小朋友角色扮演玩具場景，超級市場，以木材及紙皮箱製成場景。

▲ 特式波波池~棉花及汽球，小朋友都一樣玩得超級開心呢。

【親子工作坊】

而以我所知，每月定期都會有唔同主題嘅親子工作坊。嚟梗9月15號之後，就會開始進行水拓畫工作坊。

▲ 小朋友可以揀三隻顏色，然後滴1-2滴顏色於特製嘅水上面。

▲ 再利用工具，輕掃製作一幅圖畫。

▲ 再將特製嘅畫紙放於水上面，大概3秒就可以輕易完成一幅作品啦。

工作坊可以製作2幅畫及一塊木牌。和牛B超開心，因為好有成功感。

【蓋亞有機農場】

農場超大，而所種嘅有機蔬菜均可出售。同時，亦會提供到新鮮蔬菜The Green Atrium嘅餐廳。

俾小朋友親親大自然，了解到蔬菜係點樣得嚟。

農夫先生亦讓遊客輕輕摸下蔬菜/ 植物，俾小朋友感受一下。

農夫先生仲送咗臭花草俾和牛B，淡香嘅薄荷味。農夫先生話，舊時嘅長輩會用臭花草嚟炒蛋食，可以治頭風O架。

 

【活動空間】

The Green Atrium 1樓位置，亦有空間讓小朋友走動。當然，家長要照顧好小朋友吧 (兩邊都有樓梯)。

▲ 影相靚位

▲ 盡情放電 

▲ The Green Atrium 1樓嘅餐廳

▲ 仲有一部回收機，仲可以儲分換獎勵

【收費及時段】

收費：$80/時段 – 一大一小 (包括: 兒童室內及室外感統花園、親子工作坊)*蓋亞有機農場需額外收費

入場時段：（星期六、日）時段1：11am – 1pm時段2：2pm – 4pm(每時段均設有不同主題親子工作坊時間)

 

【溫韾提示】

由於以戶外為主，建議做好防曬、防蚊措施。同時，玩樂設施包含水池，建議家長帶備泳衣、替換衣物、毛巾及拖鞋。

 

【WildPlay設施及入口】

商舖內設有洗手間，入口在商店左手邊一直行。

 

【前往溱柏】

居民巴士NR971線：溱柏 <=> 屏信街(循環線)途經：公庵路、十八鄉路、元朗體育路、青山公路 – 元朗段、擊壤路、元朗安寧路、屏信街、媽橫路、屏會街、元朗安寧路、元朗體育路、十八鄉路、僑興路及公庵路

小巴39S：公庵路(溱柏) <=> 元朗(鳳翔路)(循環線)途經：公庵路、十八鄉路、元朗體育路、馬田路、教育路、大棠路、合益路、鳳翔路、合益路、大棠路、教育路、馬田路、大樹下東路、僑興路及公庵路。

 

【Wild Play @ 元朗】

地址：新界元朗公庵路68號溱柏@The Green Atrium

電話：5112 5334 / 5110 6224

https://www.facebook.com/ChildStationhk/

https://www.childstation.education/

 
 
————————————————–

歡迎聯絡我&和牛B: [email protected]
Facebook專頁: 和牛B嘅成長專頁

Instagram: wagyubmami

 

 

 

 

 

 

 

 

 

 

 

 

 


————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

關於作者與本篇文章

和牛b媽媽

在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。

看作者所有文章

我要回應

我要留言

推薦閱讀

{台中美食}迷糊軒/隱身在台中南區的巷弄美食，拉麵系列跟丼飯都超美味，還有推出會員活動，最高可以免費送主餐一份呦！

{台中美食}迷糊軒/隱身在台中南區的巷弄美食，拉麵系列跟丼飯都超美味，還有推出會員活動，最高可以免費送主餐一份呦！

別讓一姐不開心 發表於 2025-09-20 

{台中美食}迷糊軒/隱身在台中南區的巷弄美食，拉麵系列跟丼飯都超美味，還有推出會員活動，最高可以免費送主餐一份呦...