【免費活動】「小書蟲。大世界」互動遊戲 x 創造獨一無二電子故事書 | 太古城中心
小朋友天生愛玩、愛探索，太古城中心由即日起至9月2日，正進行童趣、玩味十足嘅主題，名為「小書蟲。大世界」。而主題有4大外形趣怪、4種唔同性格嘅書蟲組成，熱愛天文又創意爆棚嘅「阿星」、細細粒但係力大無窮嘅「一叮」、好鍾意藝術又熱愛靚嘢嘅「絢子」、無時無刻唔停口食嘢嘅「小津」。
和牛B好鍾意睇故事書、又好動、又鍾意探索。
所以，我哋就帶咗和牛B嚟太古城中心，一齊化身小書蟲，玩盡4大互動遊戲。而場地佈置亦相當童趣，都有唔少影相靚位~
^ Live Happy~
【設計獨一無二嘅主角】
而和牛B最鍾意嘅就係「絢子書藝社」，因為可以設計佢獨一無二嘅故事主角同埋電子故事書。
大會提供嘅畫紙，喺人仔框框入面自由創作。
幫佢起個草稿，然後佢開始填上顏色。
和牛B任何時候，任何地方都會諗起Peppa Pig，所以…又係Peppa嚟嘅。
完成之後，輸入簡單個人資料及電郵。
掃描圖象，不久就可於旁邊大屏幕上見到大家嘅「書蟲」主角了。
^ 掃描圖象 (大概幾秒就完成掃描)
^ 見到自己嘅「書蟲」主角了
同時，電郵都會收到獨一無二嘅電子故事書。
【啃書啃出色香味】
來到了小津廚房，化身書蟲餐廳小廚師。每人抽出餐單，炮製美味又有營養嘅書餐俾屋企人佩。
有長者餐、減肥餐、孕婦餐及素食餐等，而和牛B抽到嘅對象係「長者」。
^ 穿上LIVE HAPPY小圍裙，我嘅小書蟲廚師~超可愛呀
只要依照材料盒上嘅擺法，擺放返好，就完成了。
^ 專心嘅和牛B
^ 長者餐完成!!
【好動書蟲鑽書特訓】
好動寶寶一定要玩嘅「一叮訓練營」，首先依照訓練官一叮提示。
先收拾好圖書，再爬過七彩繩網陣，最後一關雙手各拎住一本書，然後再行過「驚險獨木橋」(書陣)，收拾好圖書就完成了~~
^ 先收拾好圖書
^ 七彩繩網陣
^ BB爬行大賽一樣，如果以呢個速度爬，應該會贏到第一 (哈)
^ 驚險獨木橋
^ 和牛B胸有成竹咁玩梗「驚險獨木橋」
**身高90cm或以上才可參與遊戲
【書蟲小偵探解迷】
「星之館失書事件」係考考各位小書蟲嘅偵探頭腦同埋分析能力，同博士阿星一齊搜集證據查出真兇。
**4歲或以上才可參與遊戲
童趣影相靚位，太空主題
童趣影相靚位，紙飛機
童趣影相靚位，圖書閣
童趣影相靚位，有紙飛機仲有得跳飛機。
【悅讀愈有賞 送你精美tote bag！】
由即日起至9月2日，只要喺太古城中心以即日電子貨幣消費滿$2,000（以最多兩張單據計算），即可獲贈書蟲親子tote bag 一套*！
^ 家長同小朋友一人一個，拎書就更就手！襯埋一齊出街，真係好靚呀！
換領日期：2018年8月11日至9月2日
換領時間：11am – 9pm
換領地點：太古城中心2/F 顧客服務處
**數量有限，換完即止**
【小書蟲。大世界】@太古城中心
活動日期：2018年8月11日至9月2日
活動時間：11am – 9pm
活動地點：太古城中心二樓中橋
#Cityplazahk #theworldoflittlebookmonsters #wearebookmonsters #livehappyhk
————————————————–
歡迎聯絡我&和牛B: [email protected]
Facebook專頁: 和牛B嘅成長專頁
Instagram: wagyubmami
————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
關於作者與本篇文章
6個追蹤 和牛b媽媽
在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。
推薦閱讀
旅遊不知去哪裡，跟媽媽經放心玩
放假跟著媽媽經一起放心玩，精選台灣各地高CP值渡假飯店，為每一個家庭帶來快樂十足的親子假期！
事半功倍的【MINGTOOL銘刀】日本鋼廚房剪刀，讓烹飪更加迅速便利
為了給家人最好的，在成為家庭主婦的路上不知不覺一整天的三餐都得在自家廚房打理起來，而煮婦魂就這樣展開！成為煮...
精神疾病者也會老 長照規劃應當趁早
文｜朱聖恩 圖｜深夜日常 天增歲月，人增壽。無論是一般人；是身心障礙者，不分貧富貴賤，...
「悅來悅棒」奪冠！地板滾球聯誼賽熱力登場
文｜蘇麗華 攝影｜何維綱 「悅來悅棒」、「WHO怕滬」、「道奇隊」&hell...
與伊甸同行40年 許秀柱續唱恩典
文｜朱聖恩 攝影｜陳韋儒 不知不覺 我們走了好遠好遠 告別了青春年少 走入金色華...
兒童護脊書包推薦【Impact 怡寶】-小一到小六都能背的 Impact 怡寶專業護脊書包，護脊背負系統專家，榮獲多項專利認證。限時團購四件組超值優惠開團啦!
轉眼苳已是六年級的老屁股， 但她還是在背impact 怡寶專業護脊書包喔！ 莫蘭迪系列紫色的成長型款...
我要回應