首頁 » 作家投稿 » 生活放輕鬆 » 【聖誕DIY】自己動手做小寶寶專屬的聖誕裝飾

【聖誕DIY】自己動手做小寶寶專屬的聖誕裝飾

FavoriteLoading收藏文章

話咁快又到十二月,十二月大家都一定好忙,好忙咁買聖誕禮物、好忙咁佈置聖誕樹、工作都好忙。
 
今年因為我哋準備要搬,所以屋企無乜氣氛,聖誕樹又掉咗,上年用過嘅聖誕裝飾又Pack晒入箱,所以我屋企真係冇乜氣氛嘅。雖然佈置唔到屋企,但我仲可以幫手佈置娘家、同埋公司。
 
我發現當我生咗和牛B之後,屋企溫暖咗好多、氣氛融洽咗好多。因為屋企多咗好多家庭相,笑聲又多咗。
 
今年我決定搞搞新意思,自己動手整聖誕裝飾品。材料工具都好簡單,都係剪紙、拼貼。
 
而今次教大家做嘅小手工,可以一物多用,可以掛喺聖誕樹、掛牌、吊旗,仲可以當小小心意咭送俾朋友。
 

準備工具:

1.打印好嘅人物
2.厚咭紙/ 紙皮
3.金粉膠水
4.打窿機
5.交剪
6.線/ 繩/ 絲帶
7.雙面膠紙
8.博士貼/ 封箱膠紙 – 作為(1)嘅保護面
 
做法 :
1. 首先將自己完成好嘅人物圖案印出嚟,再用封箱膠紙/ 博士貼貼於表面作一層保護。
2. 然後修剪好形狀,再利用雙面膠紙貼於厚咭紙/ 紙皮上面。再剪/ 界出嚟。

▲ 然後利用打窿機喺頂部位置打個窿。

▲ 再穿上繩/線/絲帶,長度可隨自己喜好而家。

▲ 完成啦
見到咁多個和牛B,覺得好興奮,佢哋好似開Party咁。

可以將佢哋掛起,一樣好開心。

掛上聖誕樹都一樣好有氣氛。

**小貼士**
喺製作上點解我用雙面膠紙而唔用膠水/ 漿糊筆呢? 原來係因為漿糊筆黏力未必夠好,而用膠水嘅話好容易會令到人物圖案嘅紙出現起泡/ 皺嘅情況。
 
至於保護膠貼方面,其實係可以過膠都得嘅,但如果屋企無過膠機,要拎出去俾人過膠嘅話,過一張嘅價錢都唔平呢。
 
設計圖方面,我自己係用Photoshop去製作嘅,如果大家冇Photoshop,大家可以Download下面呢個Apps,之後Save低再打印出嚟。不過就冇咁Q版~但都可以有自己想要嘅圖像。

————————————————–
歡迎聯絡我&和牛B: [email protected]
Facebook專頁和牛B嘅成長專頁Instagramwagyubmami

 

 

 

 

 

 

 

 

 

 

 

 


————————————————–
姊妹合作**Precious M accessories**
利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。

本文為「駐站作家」自行上稿文章。
若您認為該文章涉及任何不當言論,請按此檢舉
檢舉關閉
這篇文章對您是否有幫助?
這篇文章對您是否有幫助?

關於作者

和牛b媽媽

在職媽媽,分享我的育兒心得、幼兒食譜、假日好去處。喜歡假日帶著和牛b四處遊玩,讀萬本書不如行萬里路。

我要回應

我要留言