首頁 » 作家投稿 » 生活放輕鬆 » 【自製玩具】將「鞋盒」變成女孩最愛的娃娃屋

【自製玩具】將「鞋盒」變成女孩最愛的娃娃屋

和牛b媽媽  更新於 2021-08-05 
看留言討論

FavoriteLoading收藏文章

好多時買完一對新鞋返嚟，個鞋盒就會掉咗佢，其實都幾浪費。但鞋盒其實可以轉化成儲物盒，亦可以花少少心思，變成女孩最鍾意嘅娃娃屋!!
 

 

 
每日只能喺和牛B瞓著之後嘅時間捱夜做，前前後後我大概用咗一星期有多時間去完成呢件玩具。
 

一個平平無奇嘅四方盒，打開可以變成小天地「娃娃屋」
 

先喺網上搵一啲素材打印出嚟，再剪裁成鞋盒嘅尺寸。(地板、牆紙)
 

先用雙面膠紙貼於整個鞋盒底，再貼上地板紙
**我唔用膠水，原因唔想因為膠水濕淋淋令到紙起水泡唔平
 

再用雙面膠紙貼於整個鞋盒內嘅四邊，再貼上牆紙素材。(同樣唔會使用膠水影響效果)
 

再利用顏色紙做成大門嘅樣，再用雙面膠紙貼於牆紙上。
 

呢一塊將會成為間房用嘅牆，想好玩啲，逼真啲，我會將紙皮界開，等門可以打開。
 

再用超能膠將紙皮痴上，咁樣就能夠做到房同埋客廳啦。
 
飯台/ 茶几
主要利用了外賣Pizza嘅三腳頂做台腳，再用一塊紙皮及彩色紙 (摺紙)。

 
度好台嘅高度，再剪斷。

 
紙皮係台面，尺寸自己決定好之後，剪裁好再用雙面膠紙貼上彩色紙。
*我會喺上面多貼一層透明膠紙作保護之用。

 
利用萬能膠，將台腳及紙皮貼實。

 

 
小Sofa
主要利用塑膠樽蓋、少量硬身戟絨、布碎就可以做到。

 
Sofa坐墊部份，利用棉花/ 填充棉做坐墊部份，如果無的話可以塞一啲布碎入去(摺厚少少)
硬身戟絨作用為支撐Sofa椅背位置用，等佢挺身啲。
 

 

 
單人床
紙皮、強力膠水、海綿 (廢物利用，之前買電話殼嘅時候，入面包住一塊海綿)

 
度好尺寸，裁剪好就可以用強力膠水痴住床嘅支架部份。
 

 
之後再剪裁好海綿，再包上你鍾意嘅布，用雙面膠紙貼實。
 

 
枕頭部份，要少量布碎及海綿。
 

 
利用針線縫合好，就完成了!

 
被子我就用戟絨毛剪裁，再貼上一條蕾絲裝飾一下。

 
窗簾
布碎、牙籤及夾 (DIY首飾嘅夾)

 
度好尺寸，就可以用針線縫好窗簾布。

 
再用強力膠水將夾子貼於牆上，完成了!

 
衣櫃與衣架
又係用紙皮整嘅，度好尺寸就可以開始用強力膠水痴好衣櫃。

 

 
喺兩邊用鏍絲批開一個窿仔，方便整衣櫃入面嘅棍仔。由於我個衣櫃比一般用嘅牙籤仲要強，所以我搵咗其他材料代替。
 

 
衣架方面，建議使用圓頭萬字夾效果會比較靚。
 

 
只要3個步驟就做得到。
 

 

 
其實當和牛B知道，我要將鞋盒變成娃娃屋之後，佢每一日都催促我交貨俾佢。
終於，我都交到貨了。佢開心到不得了，和牛B本來就好鍾意森林家族呢類微型玩具，屋企雖然都有森林家族嘅屋，但佢仍然好鍾意我手做嘅呢間鞋盒屋。
 

 
 

 
佢開心嘅笑容就係我最大嘅獎勵。
 

 
其實想快啲完成真係好簡單，結晒地板、牆紙，將森林家族啲精緻玩具放入去，就已經係一間娃娃屋嚟啦~
 

 
有森林家族班，又點少得Peppa Pig版本丫。

【自製玩具】手殘都做到。廁紙筒車仔。親子手作 | 環保玩具【自製玩具】輕便車仔收納袋及遊戲墊 – 便攜亦得

————————————————–
歡迎聯絡我&和牛B: [email protected]
Facebook專頁: 和牛B嘅成長專頁

Instagram: wagyubmami

 

 

 

 

 

 

 

 

 

 

 

 

 


————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

關於作者與本篇文章

和牛b媽媽

在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。

看作者所有文章

我要回應

我要留言

推薦閱讀

【台中勤美美食】KATZ卡司韓藝料理｜一秒飛韓國！IG打卡激推質感韓系餐廳，必點全台唯一的「馬鈴薯燉雞」、超銷魂「韓拾炸雞」還有內用限定的「奶油炸醬麵」

【台中勤美美食】KATZ卡司韓藝料理｜一秒飛韓國！IG打卡激推質感韓系餐廳，必點全台唯一的「馬鈴薯燉雞」、超銷魂「韓拾炸雞」還有內用限定的「奶油炸醬麵」

別讓一姐不開心 發表於 2026-04-24 

來到台中勤美商圈逛街，想吃道地的韓式料理又想拍美照打卡嗎？ 那你絕對不能錯過這家在網路上擁有超高人氣的 【台中市...