首頁 » 作家投稿 » 生活放輕鬆 » 【購物日誌】$12日系雜貨、精品店「ものもの」 (Mono Mono)

【購物日誌】$12日系雜貨、精品店「ものもの」 (Mono Mono)

和牛b媽媽  更新於 2018-01-15 
看留言討論

FavoriteLoading收藏文章

買嘢係女人嘅天性，今次為大家介紹香港區萬五呎的敗家好店Aeon「ものもの」 (Mono Mono)。
 
由門面至到舖頭嘅裝潢都好日本風格，所以一行入去已經覺得好日本味!!!而我一向好鍾意行$12店掃平貨，所以我今次主力都係會介紹返「ものもの」 (Mono Mono)入面一樓嘅Living Plaza $12店部分。
 

 
G/F係好多日本嘅食品、飲品、化妝品、家電嘅產品等。
 
日本嘅懷舊零食，都有好多。有啲我以前細個都有食過，真係好懷念呀！
 

懷舊嘅士的形、咪形嘅朱古力豆豆糖。

 
懷舊嘅生果味香口珠，我最鍾意提子味。

 
一大堆Thomas and Friends嘅糖，係咪有種密集恐懼呢

 
1/F就係我最愛行嘅Living Plaza，全部嘢都係$12/件。
 
文具控必行專區，有好多唔同公仔造型嘅告示貼。

Memo紙、同埋貼紙。

2015年令人瘋摩嘅填色書，Living Plaza亦有類似風格嘅商品，有填色書旁邊亦當然不少得顏料吧。

野餐、餐具
秋、冬季最適合去野餐，你可以喺呢到揀心水嘅野餐餐具，全部都好可愛~

濕毛巾盒仔、餐具套裝。

 
仲有可愛人物、波點控、手繪畫風嘅餐盒。

飯團模具
氹小朋友食飯嘅神器，之前都有介紹過唔少。今次仲俾我發現到整熊貓頭飯團嘅神器，熊貓頭飯模+紫菜Cutter都只係$12，超抵呀!! 淘寶都做唔到咁平啦!!

 

手作材料包都有唔少款式選擇。
 

黏土用嘅圖案模板。
 

Party用品
開Party買佈置物品、蠟燭呢到都好齊全。

Hello Kitty、Disney卡通人物系列用品
Kitty迷請注意!! 由文具至家品都有呀，仲要係粉紅色，真係好靚!!

 

Mickey Mouse嘅清潔刷、廁所刷。

Mickey Mouse系列嘅餐具、三文治盒、保溫袋、濕紙巾仲有家居用品等。

Disney系列嘅文具、精品等。

Disney公主系列信紙封裝、Papercraft紙製城堡。

Disney系列貼紙。

嬰、幼兒用品及玩具
分門別類，行得好舒服。呢到有好多嬰、幼兒嘅用品，由貼身用品至BB配件都有。
 

BB紗巾、奶粉格、學習水杯、BB指甲鉗等。
BB車掛勾、被仔夾等。

BB紗巾不含螢光劑，$12/2條。
 
玩具都有唔少款式，全部都係$12件。

 
Aeon「ものもの」 (Mono Mono)@銅鑼灣
地址：香港銅鑼灣京士頓街9號地下及一樓C號舖
電話：24523700
營業時間：10:30am-10pm
 
————————————————–

歡迎聯絡我&和牛B: [email protected]Facebook專頁: 和牛B嘅成長專頁

Instagram: wagyubmami

 

 

 

 

 

 

 

 

 

 

 

 


————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

關於作者與本篇文章

和牛b媽媽

在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。

看作者所有文章

我要回應

我要留言

推薦閱讀