相信孩子學會。二

收藏文章

有次與親戚用餐，長輩用膳完畢閒聊之際，朝瞳拎出佢嘅法寶出嚟玩。

親戚見到朝瞳拎把鉸剪出嚟，就即話補句：「小心啲呀！」我亦緊隨回答：「佢有玩開！」

朝瞳嘅鉸剪，不是兒童專用，只係一把普通較細嘅鉸剪，剪紙、剪飲管都可以。自從教佢用小鉸剪，有得剪佢都會忘我般剪紙碎，我亦可能換來十分鐘安靜。

親戚見住朝瞳剪紙，面有難色，深怕佢剪到。我完全明白，始終都係利器，所以從旁提醒朝瞳要小心手指，但我沒有過份擔心。在開始用鉸剪時，我就嚴正同朝瞳解說，鉸剪係危險的，亦作狀將小手放到鉸剪，佢嚇到縮都縮唔會切。仲有講要點用，先唔會剪到，朝瞳而家已經可以純熟運用佢把小鉸剪，甚至沿線剪都可以。

為母真係唔怕佢剪親？非也，我只係買緊大細。相信買大一定會贏！

喜歡嘅朋友，可以 Follow  朝瞳氏の日常Facebook  睇更多日常放送。