首頁 » 作家投稿 » 生活放輕鬆 » 【大阪親子遊】京都鐵道博物館。列車餐車、Kids Park。玩足大半日(超多圖)

【大阪親子遊】京都鐵道博物館。列車餐車、Kids Park。玩足大半日(超多圖)

和牛b媽媽 發表於 2018-07-27 
看留言討論

FavoriteLoading收藏文章

大阪親子遊第五日下半部分行程，我哋嚟到了京都鐵道博物館及梅小路蒸氣機關車庫。
由於鐵道博物館入面館藏實在太精彩，我會先講一樓(地下)、二樓、三樓、梅小路蒸氣機關車庫，最後再為大家介紹二樓餐廳及紀念品店。
 

 
自駕遊嘅我哋非常方便，京都鐵道博物館對面就有一個露天停車場，泊好車過一條小馬路就去到博物館了。
 

 
進入博物館，第一件事當然係買入場券吧。日本真係好方便，有自動販賣機又或者真人接待。
 

 
買好飛馬上入場，一入場已經超興奮，因為第一眼就見到三大架火車泊咗喺到俾遊客影相。
 

 
其中一架仲係子彈火車(新幹線)，馬上去影張全家幅留個紀念啦。
 

 
進入博物館之前，我哋去咗唯有超有特式嘅火車餐廳 (ナシ20形食堂車) 食個便飯。
 

 
預先點餐，入到去幾分鐘食物就馬上送到。
 

 
餐廳嘅座位唔算好多，但係就好似坐梗火車咁~
 

 
食物都係便當形式，所以食物係唔熱嘅，仲有少少凍。
 

 
所以，味道唔算非常好味。而餐盒/ 新幹線款餐盒，食完係可以帶走返屋企o架~~
 

 
食完就開始進入博物館啦~~~首先參觀一下子彈火車先
 

 
有子彈火車嘅歷史、介紹。
 

 
到處都有火車~
 

 
一入到正式館藏區，真係好震撼!! 因為真係好好好大，有成三層咁高。
仲有超多架火車，可以上去參觀!
 

 
另外，仲有梅小路蒸氣機關車庫。
 

 
簡介一下三層有咩好睇，有咩好玩。
 

 
爸爸們挑戰人力車~
 

 
關於火車嘅所有資料都超詳盡，仲有好多模型設置機關俾遊客更容易了解、明白。
 

 
就連指示燈、路軌都同你慢慢介紹。
 

 
有指示燈，就當然有模仿街道情景嘅火車路口吧~
 

 

^展示正在雪地行駛嘅火車情景模型。
 

^升降橋樑
 

^超多唔同類型嘅火車模型
 

^101系電車
 

^電車/火車月台模型
 

^除咗電車、火車模型，仲有大型船隻海港模型。
 
仲為大家解構咗日本JR、鐵路嘅駕駛倉，小朋友可以扮司機。
 

 
超多架火車展示; 
 

 
部分火車，仲可以登上參觀 
 

 
關於火車嘅知識、郁動原理都有介紹。
 

 
再次登上子彈火車車廂，由車竹行去車尾，仲可以睇埋控制室。
 

 
仲有展出昭和時代嘅舊式火車站月台、等候室、辦公室。
 

 
和風嘅感覺超濃，好值得去影低紀念。
 

 
旁邊仲有一間舊式日本士多及汽車。
 

 
【2樓】
除咗火車，船嘅歷史都有。

 
火車上嘅椅子都有唔同歷史演變。
 

 
自駕遊無搭過交通工具嘅我哋一大新體驗。(除嵐山小火車)
 

 
搭火車/電車體驗，先去購票處「扮」買飛。
 

 
扮住車飛，入閘~~
 

 

^歷代火車票
 

^歷代火車/電車
 
日本實在太大，所以火車/電車都有好多種。
 

 
超大型嘅火車/電車遊戲組，真心覺得好正!!! 有種水族館嘅感覺，你可以操控入面嘅火車行駛。
 

 
而生得細粒嘅小朋友，亦可以爬入去欣賞火車同模型景。
小朋友見到呢到，真心超興奮同開心呀!
 

 
到呢到仲有小朋友嘅玩樂世界Kids Park，全部都係TOMICA火車系列玩具組。
 

 

 
遊戲組件超多，超齊。重點係日本小朋友都相當有禮貌，所以玩具都係原好嘅。
 

 
【3樓。觀光天台】
當日落雨毛毛雨，所以無逗留太耐。3樓唔算太多嘢玩，如果好天或者可以逗留耐少少，欣賞附近嘅風景。

 
走廊可以睇到一樓同埋二樓嘅情況。

 
【梅小路蒸氣機關車庫】
剛好遇上精彩環節，就係蒸氣火車展示泊回停泊站嘅一幕，真係好精彩呀!!
 

 
仲可以超近距離欣賞到蒸氣火車，真心壯觀。
 

 
【2樓餐廳。望住火車用餐】
日本一貫作風，用販賣機點餐，到取餐處取餐。
 

 
自助形式嘅，餐廳都算大，座位都好多。
 

 
而最吸引就係，佢哋每一個角落都好窩心同貼近主題。
 

 
近售賣處嘅間板上，都有Thomas & Friends嘅小火車模型!!
 

 
仲有關於火車、列車等兒童圖書免費借閱。
 

 
重點係，可以睇住TOMICA火車用餐。
 

 
仲有個Kids area俾小朋友輕鬆一下。
 

 
食物有小食(薯條)、烏冬、意粉類等。
 

 
【紀念品店】
一間位於博物館1樓(地下)，比較細。建議大家如果想買紀念品嘅話，直接去到梅小路蒸氣機關車庫旁嘅紀念品店。因為紀念品店大好多，款式多好多。
 

 
500系車造型嘅零食~
 

 

^火車/電車迷必備大全
 
全部手信都好吸引，包裝又靚，由食、玩、文具、精品、Tee、嬰兒用品都有!!
 

 

 

^ 超可愛嘅小童Tee
 

^ 火車玩具都好多款
 
我哋嘅戰利品唔算好多，其中有兩個食物盒係午餐送嘅~~
 

 
梅小路蒸氣機關車庫入面，仲有限定相機~
 

 
呢到絕對係大/小火車迷一定要到嘅景點，我哋都估唔到逗留咗差唔多3-4小時。
我自問我唔係火車迷，但係都一樣樂在其中。
 

 
因為我見到和牛B同好朋友喺博物館到玩得超級開心，所以玩幾耐我哋都願意呀!
呢個就真親子旅遊嘅真正意義，唔盲目追景點、唔係趕羊式跑行程。
 

 
 
【京都鐵道博物館 (梅小路蒸氣機關車庫)】
地址: 京都府京都市下京區觀喜寺町 
入場費: 成人1,200円，大學生1,000円，國中生小學生500円，幼童200円 (3歲以上) 
開放時間：10am – 5pm 
http://www.kyotorailwaymuseum.jp/sp/tc/
 
 
2018年大阪親子遊行程
【大阪親子遊】行程簡介，Day 1 Hea遊大阪
【大阪親子遊】大阪城 + 大阪城公園 x 超長滑梯。Day 2 – Part I
【大阪親子遊】超多嘢玩嘅室內場Kids Plaza。Day 2 – Part II (超多圖)
【大阪親子遊】超多嘢玩嘅室內之選Kids Plaza。Day 2 – Part III (超多圖)
【大阪親子遊】放電公園 – 扇町公園及CP值超高燒肉放題。Day 2 – Part IV
【大阪親子遊】超好玩。神戶麵包超人兒童博物館(超多圖)。Day 3 – Part I
【大阪親子遊】神戶麵包超人兒童博物館。细菌秘密基地 – Day 3 – Part II
【大阪親子遊】Day 4。必到景點「環球影城」 x Hello Kitty。Elmo。Snoopy– Part I
【大阪親子遊】Day 4。「環球影城」x 美少女戰士 x 哈利波特及入園攻略【大阪親子遊】嵯峨嵐山小火車<Day 5。Part 1> 
————————————————–

歡迎聯絡我&和牛B: [email protected]
Facebook專頁: 和牛B嘅成長專頁

Instagram: wagyubmami

 

 

 

 

 

 

 

 

 

 

 

 

 

 

關於作者與本篇文章

和牛b媽媽

在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。

看作者所有文章

我要回應

我要留言

推薦閱讀