【澳門親子遊】媽媽放輕鬆行。做SPA充電 x hea遊澳門

5月對我嚟講係一個既開心又有多重意義嘅月份，因為我生日、和牛B生日仲有母親節。

今年5月亦係充滿驚喜嘅一年，今次嘅澳門旅行都係我嘅驚喜旅行之一。

因為，老公除咗安排咗澳門旅行之外。

仲喺今次旅程上，特別加插我一直好想做嘅放輕鬆環節，就係做「水療護理」(SPA)。

帶住小朋友去旅行，住嘅地方好重要。老公揀咗澳門喜來登大酒店 (http://sheratongrandmacaohotel.com/zh-hans/)，係5星級嘅酒店。

^ 酒店房間足夠我哋一家三口住一晚，床又夠大同舒服。

^ 酒店房間望嘅景色，日景夜景都好靚呀! 

^ 酒店提供嘅兒童沐浴用品，超窩心。

因為我哋當晚係星期五收工去嘅，星期六就回程，等和牛B星期日可以休息一日先返學。

所以第一晚喺澳門，我哋都係喺金沙城中心到搵嘢食，行一陣就返酒店休息了。

^ 金沙城中心入面嘅Food Court。

第二日瞓醒當然去酒店食自然餐，老公買嘅Package係包二人早餐，0-5歲小童可以免費享用自助餐。

^ 盛宴 Feast嘅早餐食物選擇都好多。

食完早餐休息一陣，我就拋低老公同和牛B~去享受我嘅60分鐘炫逸水療啦~  

我當日嘅五行係「金」，我自己就想做完水療後，我可以精神啲，氣息好啲。而炫逸水療嘅特色足部按摩護理，係基於東方傳統養生理念，對足部穴位施壓按摩，從而使身體上各處與穴位對應嘅部位都受益，令人感覺輕鬆有活力。

^ 先浸暖雙腳

做SPA嘅時間為60分鐘，呢60分鐘真係好舒服，同過得好快，有少少唔夠喉呀！完成後，我亦覺得自己氣息好咗同精神咗呢！

^ 馬上精神返呢! 充滿電，繼續Fighting!!  

^ 做完SPA之後，仲可以飲返杯果汁同埋小甜點。

^ 望住巴黎鐵塔游水、玩水

^ 酒店泳池仲有提供兒童救生衣同水袖

做完SPA、玩完水嘅我哋特別餓，於是就去咗澳門喜來登大酒店入面嘅桃園飲茶，我哋仲不禁點咗好多食物~

^ 椰青蟲草花螺頭燉雞湯 $58

^ 蟹子燒賣皇 $38

^ 招牌黑松露水晶蝦餃 $58 (黑松露味超香)

^ 避風塘銀鱈魚粒 $138

^ 甜酸果粒豬爽肉 $98

^ 鮮蝦芝士腐皮卷 $48

^ 古法馬拉糕 $38

^ 雪映榴槤 $48 (榴槤控必食之選)

食飽後，仲巧遇Thomas & The Little Big Club 群星嘉年華嘅巡遊。

見到人物又唱又跳，仲會同途人揮手、握手、Hi FIVE，和牛B見到都超開心呀!!

而家去澳門玩，我都鍾意住路氹呢邊。 因為近碼頭，適合親子嘅地方都多。

鍾意食嘅，過返去官也街都好近。

鍾意影相，行大商場，路氹呢邊亦有齊晒，真係超方便!

^ 商場每個角落都有影相靚位  

而澳門喜來登大酒店喺餐飲面亦有唔少優惠同埋選擇；

^ 喜柏 (Palms)，女士最愛嘅Afternoon Tea Set $298(2位用)

^ 晚餐鍾意食海鮮主題自助餐嘅話，盛宴(Feast)都係唔錯嘅選擇。

【總結】

今個5月老公勁大洗，幫我慶祝咗好多輪。真係好擔心佢下個月同我講，卡數好大獲!

點知佢話我知，原來今次澳門呢個行程(不計船飛)，買咗澳門喜來登大酒店推出嘅「炫逸水療住宿之旅」，只係港幣$1,698++，包住同埋雙人自助早餐同埋一位60分鐘炫逸特色按摩護理，及額外水療護理享有7折優惠。咁我聽完都放心啲，因為而家喺澳門住酒店都幾貴。但以喜來登大酒店仲要係5星級嘅質素，性價比超高，亦真係超級抵!

【立即訂購】