【親子旅遊】糖果世界奇幻派對

收藏文章

Yoho mall 最後一期既商場都開埋，真係好方便，多左好多野食，鋪頭外重有埋戲院，遲D重開埋一田，特別係而家日日都咁熱，一係就落大雨，近近地又有冷氣，唔洗落元朗市咁麻煩啦！

我地屋企一出門就非常曬，真係少D 耐力都出唔到門口，哈哈！

食祖晞最愛既壽司

Yoho mall Candy Wonderland 糖果世界奇幻派對

之前晌團購買左 Yoho mall Candy Wonderland 糖果世界奇幻派對既套票，經過見到換飛counter 無人就順手換埋，$158 可以玩四個$50的遊戲同埋兩個 $10的遊戲，現場也可以即時買飛，可以每個遊戲分開買，或者以 $180 買番團購果張套票。
(推薦閱讀：【親子旅遊】香港三天兩夜自由行全攻略)

團購重有禮物送。

套票不一定要一次過玩晒，晌有效期前用完就可以了，本黎只係諗住玩兩個遊戲就走，點知玩下一個玩下一個，咁就…玩晒！

換票處隔離就係鏟波波，之前呢個遊戲玩過好多次，都係有工作人員從陪協助，但今次話需要家長學左之後教小朋友玩…如果係咁，有咩需要咁多工作人員…

遊戲分散晌I / II 期，等你可以行晒咁多期。

$50 的遊戲大部份有身高限制，要注意咯！90-140cm，除了渣船係 95-135cm 先可以玩，另外有三個 $10 的小遊戲。

玩完波波就過左去玩彈床，晌戲院出面， 呢個唔係好大，今次無玩。

重有滑梯

室外的兩個遊戲（比較細，岩細個D既小朋友玩）

當天人不太多，基本等一轉已經可以玩了，不過晌室外等就真係好熱。

玩完D消耗體力既活動，想抖下、坐下的話，室內重有其他靜態遊戲。

動力沙

拼圖

黏土

可以玩 20 分鐘，整唔晒可以帶走材料包番屋企慢慢整，祖晞揀左恐龍。

套裝有埋顏色、畫筆、膠水同埋砂紙。

小朋友可以自己拆配件。

拼的話大人需要協助。

拼好外形，加埋D 骨就完成咯~

一齊研究，一齊參與，完成後好有成功感，不過無痴實，所以都係要拆番先可以帶走，哈哈！

以下是 $10 小遊戲

打地鼠

拋公仔

射槍

祖晞鐘意呢個，所以玩左兩次。第一次自己玩，三發都唔中，第二次玩爸爸剛做完野過黎教佢玩，三發都中晒！

另一邊室外重有兩個遊戲，呢個睇落都幾好玩，不過套票已用完同埋人地要閂門，所以下次再黎玩。

最後一個遊戲揀左渣船，有蓋遮都好D，無咁曬，不過得三架船所以都要排幾轉先玩到，我地去到時已經6點幾， 就唔太曬，D遊戲七點鐘就收架啦！

電動，唔洗自己踩，可自己控制方向，D水睇落好污穢，其實係個底黃色影晌，唔洗泥水，哈哈！

整體黎講我覺得今次D 遊戲整得幾好，同埋唔係集中晒一齊，玩下又行下，感覺無咁快玩完， 一次玩一份套票已經好足夠。

有效期去到8月尾， 我地應該會再黎多次。
(推薦閱讀：【親子好去處】滙豐智樂遊戲萬象館 Playscope)