首頁 » 作家投稿 » 生活放輕鬆 » 【親子限定】反斗親子聖誕嘉年華 x F1賽車 x 波波池 x 玩泡泡 x 超好玩

【親子限定】反斗親子聖誕嘉年華 x F1賽車 x 波波池 x 玩泡泡 x 超好玩

和牛b媽媽 發表於 2017-12-27 
看留言討論

FavoriteLoading收藏文章

大人嘅聖誕假期已經完結，但係小朋友嘅聖誕假期仲未完結o架。所以真係要安排一連串活動俾佢哋放鬆、盡情放電先得呀！
 
屯門除咗市中心有多個大型商場連接住之外，大家可以從市中心轉乘巴士去到黃金海岸商場玩，黃金海岸除咗有靚景之外，今個聖誕假期仲有「反斗親子聖誕嘉年華」，直情由天台玩到地面呀！
 

當中必玩嘅遊戲有魔力泡泡球、F1賽車場、衝力撞撞球。另外仲有海龜波波池、動力小車手、親子釣魚池、開心射擊場及騎馬小天地。而且全部遊戲都有人流管制，所以唔會多人都玩唔到。家長要留意嘅係，大會為安全起建每樣遊戲都會設有高度限制。
 
事不宜遲，馬上去片～～＞＞

動力小車手

和牛B第一次自己「揸車」新手上路，多多包涵

 

 
揸住架靚車，又多功能，又有得聽歌，佢真係超開心，仲搞到分心成日撞車

 好彩，只係小朋友嘅賽道，如果唔係呢個世界就變得危險啦 

 

 
每節只限5人，所以好安全。
 

 
 
魔力泡泡球 (推介)
大會會為每仕入場玩嘅小朋友準備一件衫仔，以免整污糟件衫。
 

 

仲有保眼眼鏡，不過當日和牛B唔肯戴，所以就由佢吧。場內有唔同嘅道具玩泡泡，超、超、超大個Bubbles呀!!!
 

 

 

而且場內有部機不停噴泡，真係好夢幻呀！！
 

 
F1賽車場 (推介)

點先算得上係賽車場? 當然就係有埋掟彎、飄移嘅賽道啦。每節仲可以玩足10分鐘，就俾小朋友盡情感受一下飛車嘅快感啦。
 

 
衝力撞撞球 (推介)

 

場內有幾款唔同Size嘅撞撞球，家長可以揀返合適嘅款式俾小朋友玩。

小朋友一齊拎起大大個嘅撞撞球，就可以開始進行對戰啦~互撞~~

 
仲有吹汽嘅波，可以射龍門。

 

 

*大會亦有提供頭盔，不過和牛B個頭唔夠大，所以戴唔落
 
呢個遊戲80cm高嘅小朋友就可以入場玩。
 

 
海龜波波池
終於嚟到小朋友最愛嘅波波池，海龜波波池，外型好似一隻龜咁。

 
每節限12人進入波波池，入面係紫色、黃、透明白嘅波波，有一條比較直嘅滑梯。
 

 

 

 
騎馬小天地
玩到到落地嘅仲有騎馬小天地，今次係和牛B第二次騎馬仔。上次佢未掌握到，今次佢終於識得玩啦~~

馬仔都有分大細，可以配合唔同身高嘅小朋友玩。
 

 
每節限5人進入，高度限制為70-125cm高嘅小朋友。
 

 
如果較年幼嘅小朋友，亦可以揀隻甲蟲仔/ 龜仔坐添呀~
 

其餘仲有親子釣魚池同埋開心射擊場。呢到嘅遊戲，已經足夠俾小朋友好好咁放電。
 

 

我哋當日大概3-4點左右嚟到，玩完剛好黃昏。睇到黃金海岸嘅燈飾，真係好靚呀！
 

以上全部遊戲都需要購買/ 換領遊戲券，售票處設於地面(7-11旁)或1樓平台。
 

 
遊戲券$10=1張，愈買得多愈著數。
 

– 滿$130 (13張送1張)

– 滿$200 (20張送3張)- 滿$300 (30張送5張)- 滿$500 (50張送10張)

或於黃金海岸商場即日消費滿$300*/ $200，即可換領5張。

*兩張不同商戶的機印發票

 
黃金海岸商場 @ 屯門
活動日期: 即日至2018年1月1日
活動時間:10am – 8pm/ 6pm*(1/1/2018)
http://www.goldcoastpiazza.com.hk/zh-hk/promotions/index

————————————————–
歡迎聯絡我&和牛B: [email protected]
Facebook專頁: 和牛B嘅成長專頁

Instagram: wagyubmami

 

 

 

 

 

 

 

 

 

 

 

 


————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

關於作者與本篇文章

和牛b媽媽

在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。

看作者所有文章

我要回應

我要留言

推薦閱讀

{澳門美食}澳門手信推薦：全澳門最好吃的杏仁餅「最香餅家」，採用手工傳統炭火烘焙，超值得一吃，記得到櫃檯買盒裝喔！

{澳門美食}澳門手信推薦：全澳門最好吃的杏仁餅「最香餅家」，採用手工傳統炭火烘焙，超值得一吃，記得到櫃檯買盒裝喔！

別讓一姐不開心 發表於 2025-10-26 

{澳門美食}澳門手信推薦：全澳門最好吃的杏仁餅「最香餅家」，採用手工傳統炭火烘焙，超值得一吃，記得到櫃檯買盒裝喔...