【食譜】鮮嫩紅棗燉雞汁
作者＼孖B港媽
尋日試整燉雞汁，即係台灣嘅滴雞精，但係呢排落雨，無得去街市買新鮮雞，去咗SuperMarket買咗兩大個雞殼同一Pack雞柳，燉出嚟都有一大碗，夠晒老公大人同孖B飲，老公大人出奇地話好飲，可以再整，孖B就唔洗講，好俾面咁同老豆搶食囉，哈哈！
材料：
雞殼 2個
雞柳 1Pack
紅棗 5粒
薑 3片
推薦閱讀：七個增強寶寶抵抗力的好方法
做法：
1. 將碗倒轉放於燉盅/其他容器內。
2. 雞殼洗淨切件，去皮去肥膏(台灣嘅雞殼已經去皮，得好少肉…)，再用刀背輕輕拍碎骨頭，放於碗上。
3. 紅棗開邊去籽，連薑片一起放在雞殼上。（亦可以放於碗內）
4. 放上雞柳，蓋上錫紙，隔水燉/蒸爐蒸/電鍋蒸2小時。
5. 把雞殼同雞柳取出，碗內剩返嘅就係雞汁精華。
6. 將雞汁過篩隔渣即可。
推薦閱讀：冬至進補恐上火？五大體質別補錯
港媽貼士
1. 如果用新鮮雞，可以唔落薑片。
2. 唔用紅棗，可以改用南棗、花旗參、杞子、桂圓等，視乎個人體質及口味，有需要可以向中醫師查詢。
3. 2歲以下小朋友唔建議加藥材，如果想加嘅話，請向中醫師查詢。
我要回應