【CalebMa】寶寶8個月開始，練習行路的第一步

收藏文章

好多家長都會急於教小朋友去行，係呢篇文章開始，我想再強調，在行之先，小朋友學習爬行係更加重要，爬行係幫助小朋友去做好手腳協調以至將來幫助書寫既動作。所以係行之前，7-10個月的小朋友，家長亦需繼續多點鼓勵佢在家中多爬行。

 

小朋友在甚麼時間循序漸進學習走路呢?

到大約8個月開始，小朋友就會扶住唔同既傢私將自己拉起身，呢個時間，小朋友開始學習緊行既姿勢同埋當中需要既平衡力。

到8-9個月，當佢開始能夠扶住你的手起身，掌握到當中的平衡而不跌倒，我們就可以幫助佢，扶住佢肋旁走兩步，又或者鼓勵佢扶住牆身梳化周圍走走。

隨著佢既平衡力有所進步，小朋友會在9-12個月踏出他們的第一步，直到12-15個月佢先會正式行路。

(不過呢個只係粗略既時間表，Caleb到差不多16-17個月才正式行路，我亦無擔心過，佢而家都行得好好啊，所以切勿操之過急啊!!!)

 

走路需要甚麼能力呢?

其實行路都要好多學問……- 平衡力，尤其需要可以將自己的重量由左右兩邊移動並推前- 下肢力度去支撐身體- 姿勢控制及四肢協調

 

有咩係唔應該做?

1.不要學行車

最重要係現在好多專業意見，包括The American Academy of Pediatrics都不不不鼓勵小朋友用學行車去練習走路，原因係學行車其實會拖慢了小朋友走路既發展，而且亦容易造成危險呢~

2.不要在屋裡穿鞋子

其實不用花金錢去買步行鞋的，室內地方相信已很乾淨，亦沒有突出來危險的地方，光著腳或穿防跌襪子反而可以提升小朋友的觸覺，並幫助建立雙腳及腳跟的肌肉張力。

 

有咩可以玩?                                                         

1.向上飛

– 將玩具放在距離小朋友頭上高一點點的地方，吸引他企直去捉住玩具，訓練他的平衡力

 2.排排椅

– 將椅子一張一張排在牆邊，成為一個穩定的扶手，將玩具放在最後的一張椅子上，又或者放一條色彩繽紛的頸巾吸引他向前行。

3.推車車

– 找一些玩具可以讓孩子雙手扶住推前走去練習，例如先是大紙皮盒(無車輪的)，到玩具超級市場車仔(有輪的)，讓他有一個支撐點去練習走動

 

最後還是想溫馨提示多句，孩子的步伐有快有慢，除非他在1歲半前仍未能學習走路，家長都不用擔心太多。

Caleb也不是一個fast walker，我亦聽過身邊有長輩提醒我同佢做檢查，擔心佢行路有問題，覺得我要「睇緊d」……

學行有感是，要堅持自己原則和相信合理的步驟，時候到就會行，根本不用催不用擔心不用逼，每個寶寶都大不同，做爸媽還是要多相信自己，也相信孩子的一套:)

 

****如想知更多在學習行路上有咩唔需要做，又仲有咩好玩既訓練活動，可以上Caleb同我既FACEBOOK PAGE睇吓整篇詳文，謝謝支持****Facebook:

https://www.facebook.com/calebmama/

IG:

https://www.instagram.com/calebma_calebb/