大家都知道我家有對精力旺盛的孖寶囝囝，相信無論單胞胎定係多胞胎的父母，都應該會出現偶有束手無策的時刻。
我自己就唔識同大家分享點樣教出乖小孩啦（我都等緊高人指教！），反而呢你要我同大家講孖寶naughty、難搞的一面，我可以切切實實咁同大家分享，相信咁會令好多爸媽都會鬆一口氣：因為你地屋企小B唔係最naughty的一個。育兒這一課相信大家都經歷過無奈同束手無策，特別係以家呢個新世代。
孖寶兄弟倆都快二歲，別人傳說中恐怖的Trouble 2好像亦提早來臨了。嘩哈哈！
NO， NO， NO， 唔好，唔好，自己，自己，已經一早來到了。
好多朋友聽到孖胎都會感到好開心，可愛的孖胎為成家帶來雙倍的歡樂，但過來人都會知道孩子逐漸長大，不論單止調皮搗蛋愛作怪，就連心情唔好發脾氣，佢地的情緒有時都會好似會傳染咁。好多時仲會兩個一齊「起義」表達訢求。
但我想說的是無論你偶然感到多束手無策，但亦請爸媽們幽默以對，因為我地的情緒亦會反射到小人的感受上，他們其實是感受到的。我地做父母當然亦唔想孖寶變angry bird啦，所以都會盡力控制住情緒，開懷面對其實亦係抒解育兒壓力的一個方法。
縱然如此，但我還是會捨不得他們長大得太快，因為在孖媽心目中他們是如此可愛。但有時亦希望他們長大可與他們更多互動，一起遊歷更多。呢種初為人母的矛盾心情，真係天天都上影。
雖然養育孖胎在別人的眼中是雙倍的辛苦，孩子可能製造出雙倍麻煩。但其實來自孖寶的歡樂和幸福亦是翻倍的。以家孩子差不多22個月，互動交流更多了，我們一家相處既是搞笑又是歡樂，對孖媽我來說是最暖心的幸福。
還是跟當天知道懷上孖寶的心情一樣，仍是那一句：
以弗所書 3:20
神能照著運行在我們心裡的大力充充足足的成就一切 超過我們所求所想的。
感謝神帶領孖寶來到我們生命當中，真的，我們每天每日都為此感恩著！
我和孖寶的Facebook Page: 荔枝與孖寶
我和孖寶的 Instagram IG#: laichimama
