朝瞳玩什麼｜連呀媽都鐘意玩的Playhouse

收藏文章

位於大埔太和嘅滙豐智樂遊戲萬象館PlayScope，應該好多爸爸媽媽都知，小朋友都去過好幾次吧。一向都少去Playhouse嘅朝瞳，一年都可能冇十次，但萬象館係今年就去左三次～朝瞳真係好鍾意佢嘅遊戲，而我呢個呀媽就好欣賞館中嘅遊戲道具。

萬象館主打創意遊戲，玩就係要盡情玩，裡面除左有可以爬嚟爬去嘅「遊戲盒子」同「空中繩網」，有專為0-24個月BB嘅幼兒玩樂空間，Messy Play嘅污糟房，又有不同嘅限定主題玩意，例如壽司廚房、超市、小賣部、音樂舞台，利用隨手可得嘅廢物再加啲創意變成玩具畀小朋友玩！而且設計完全貼近實物，等小朋友有第一身感受。

 朝瞳就係最鐘意呢種角式扮演嘅玩法，「媽媽，你買野啦！畀張八達通你啦！」， 認真將一盒盒嘅貨品「嘟」再收錢，將收銀員玩得淋漓盡致。呀媽當然都輸蝕，玩埋一份，要求多多，「我唔夠錢呀，點算呀！」考下朝瞳腦筋急轉彎。

玩嘅過程加入生活化嘅情節同元素，既可以加深小朋友對日常生活嘅認知，又可以刺激創意，就係我欣賞萬象館嘅原因。

如果想去嘅朋友，要留意下萬象館係大埔太和邨亨和樓地下，位置唔算顯眼，要認真望下先搵到。朝瞳呀媽就住係附近，想問點去可以到 朝瞳氏の日常FB inbox 我～