非一般親子餐廳推介 地點方便 尖沙咀森系餐廳Applegreen

收藏文章

如果有留意開我地應該不難發現，其實我地係極小會去playhouse，大型親子餐廳等，基於一些理念，加上我們還是喜歡到大自然去探知一切。

 

 

但今次同表哥一齊去，所以我選了一家比較另類嘅親子餐廳，可能因為我地一直都特別喜歡木製玩具，今次見到這家餐廳入口的高質製滑梯組合，真係深得我心。可能你會覺得無咩特別，一d都唔似其他playhouse OR大型親子餐廳有波波地等。但係我就係喜歡這份簡單，同埋餐廳木製遊樂區嘅天然感覺。但估唔到看上去無咩玩，原來表哥同孖寶都已經玩得好開心，仲玩到人地落場都唔捨得走呢!

 

 

佢地嘅午餐set都尚算ok，唔係特別貴，而且價格已經包任食Salad Bar。當然素食嘅朋友午餐時段就可以以HK$98 享用沙律吧同飲品。

 

 

我同婆婆就order咗2個lunch set，已經包埋任食沙律吧啦~

 

 

 

表哥就order咗兒童餐，睇上去真係超豐富呢。兒童餐真係份量十足，有意粉，漢堡包，仲有薯條，飲品等。

 

 

而100cm以下嘅小朋友，仲可以唔洗點餐，免費任食沙律吧，沙律吧嘅食物種類亦都幾多，有蔬菜、麵包和餐湯等。

 

 

 

木製嘅遊樂設施係for身高80-110cm嘅小朋友玩，不過大家都係一樣要留意住小朋友，避免發生意外呀! 而係滑梯組合旁邊有sofa，有圖書區比小朋友坐底睇書，亦可以比媽媽們一路留意住小朋友，一面傾計。

 

 

 

 

 

 

我地去當日星期一，亦無預先book 位，餐廳有balloon 送比每一位小朋友，亦有high chair提供比幼童。不過如果weekend去嘅記我要預早打去訂枱呀! 

 

 

最後提一提提，餐廳around 2:30pm就 last order叫我地埋單，而遊樂區好似around 3pm就清場!

 

影底埋晚餐Menu比大家參考。

Applegreen

地址: 尖沙咀彌敦道172-174號太平洋大廈2樓2A舖 Shop 2A, 2/F, Pacific Mansion, 172–174 Nathan Road, Tsim Sha Tsui (港鐵佐敦站 D 出口, 步行約3分鐘; 大廈左側入口進出)

電話: 23122488

我和孖寶的Facebook Page: 荔枝與孖寶