首頁 » 作家投稿 » 生活放輕鬆 » 【秋日郊遊】玩足大半天 | 親子水上單車 x 餵魚餵羊 x 超放電「天水圍綠田園」

【秋日郊遊】玩足大半天 | 親子水上單車 x 餵魚餵羊 x 超放電「天水圍綠田園」

和牛b媽媽 發表於 2018-10-16 
看留言討論

FavoriteLoading收藏文章

上篇同大家分享咗陶氏休閒生態農莊，因為場地未係旺季所以玩嘅嘢唔係好多。
玩咗一陣我哋就轉場嚟咗天水圍綠田園燒烤樂園玩，唔好聽到燒烤樂園唔好以為一入場就一定要燒烤呀～唔燒烤都可以免費入場行下，影下相，玩下機動遊戲、餵下羊仔、牛仔嘅。
 
其實早在一年前，我哋都有帶和牛B嚟呢到玩。不過，當時佢仲細對好多嘢都無特別感覺。
今次再嚟，多咗少少嘢玩，重點係和牛B有記憶之餘，仲玩得好開心。
 

 
水上嘅遊戲設施，充氣滾筒、水上船仔。(*付費遊戲)
 

 
旁邊仲有兒童遊樂設施、各式單車，$30/15分鐘
 

 
仲有室內兒童遊戲室，$40/30分鐘。
 

 
色彩繽紛嘅竹林，當你走進竹林，竹林撞擊後發出唔同嘅聲娼，真係好好聽、好好玩呀。
 

 
水上單車**浪漫 x 親子
拍拖嘅時候，成日話玩水上單車。最後，無玩過，就到而家變成了溫韾嘅親子活動~
 

 
到小食亭買咗魚糧就出發買船飛上船啦 (原來售票處都有魚糧買$15/包)。
 

 
收費$90/20分鐘，按金$100。
20分鐘好似好長，但係要用晒包魚糧都差啲唔夠時間呀!!
 

 
魚池好多魚呀!!!! 多到有少少嚇親，我哋試過停咗艘船餵魚，啲魚瘋狂到撞郁艘船。
 

 
當日天氣好涼快，唔係太曬。所以好舒服。
而和牛B亦體驗到水上單車，同埋喺船上餵魚嘅樂趣。
 

 
我哋嘅船長，牛爸。佢一個人就可以開動到艘船了，讓我同和牛B輕鬆餵魚。
 

 
水池有錦鯉，亦有好多灰黑色嘅魚群。
 

 
沿路仲有兩檔攤位遊戲玩 (*付費遊戲)
 

 
路邊亦有數款電動遊戲 (*付費遊戲)
 

 
攤位遊戲旁仲可以免費試下踩高橋遊戲。
 

 
仲有親子卡通車遊戲，兩個人$40/圈，三個人$50/圈。
不過，車身比較細，如果兩個大人坐後面，會有少少迫呢~
 

 

 
上次嚟「天水圍綠田園」嘅時候未有嘅新遊戲，不過我哋有得睇無得玩。因為和牛B未夠110cm高，唔玩得。
收費: $30/6分鐘
 

 
滑草板下面加裝咗個碌，所以都幾快o架!!
 

 

 
親親動物嘅小園區
動物農莊入面有盾臂龜、烏龜、牛仔、羊仔。
 

 
羊仔數量不及錦田鄉村俱樂部、陶氏休閒生態農莊多。
 

如果想餵動物，記得同職員買糧草呀。
 
餐飲方面，除咗有BBQ區外，仲有得到小食亭買麵、小食再入餐廳到坐得進食。
 

 

 
【秋日郊遊】流浮山。陶氏休閒生態農莊｜餵羊咩咩、兔兔，特式韆鞦
 
前往方法：-
的士：到達天水圍後再轉的士（車費大概 $30 內就到達）
(乘的士最近有 – 天華邨 / 天頌苑 / 天瑞邨 / 天恩邨 )
 
駕駛人士：向 <天水圍北及流浮山> 方向直去，當分叉路口，再向 <流浮山> 方向直去，於 <天華路> 入
 
【天水圍綠田園燒烤樂園】
地址：天水圍沙江圍側(由天華路進入)
電話：2472 6848, 24726797
開放時間：10am – 6pm
BBQ 開放時間：10:00 am – 10:00 pm
免費入場
BBQ價錢請參閱 http://www.yl.hk/green/price.htm
http://www.yl.hk/green/
————————————————–

歡迎聯絡我&和牛B: [email protected]
Facebook專頁: 和牛B嘅成長專頁

Instagram: wagyubmami

 

 

 

 

 

 

 

 

 

 

 

 

 


————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

關於作者與本篇文章

和牛b媽媽

在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。

看作者所有文章

我要回應

我要留言

推薦閱讀