首頁 » 作家投稿 » 生活放輕鬆 » 免費Kill Time活動：時代廣場LEGO旗艦店

免費Kill Time活動：時代廣場LEGO旗艦店

免費Kill Time活動：時代廣場LEGO旗艦店
呀劍萬帥  更新於 2017-09-29 
看留言討論

FavoriteLoading收藏文章

LEGO 第二間旗艦店終於開咗啦，今次仲要喺銅鑼灣 Times Square，又多一個免費 Kill Time 活動，不過最緊要係大家的小朋友夠定力，而你又有信心控制得到佢哋嘅慾望！哈哈～

 

上到 9/F 好快就會見到地下有好多箭咀指示，基本上經過吉卜力精品專門店，就會見到LEGO旗艦店。

都未入到去，兩個就已經俾 Window Display 吸引咗過去！

兩個「嘩！嘩！聲」一擰轉頭再見到 LEGO 黑武士，就仲「嘩」得大聲D！

真係做得好仔細…究竟點樣可以砌得咁靚，唔知要用幾耐時間先可以砌好。

臨入去之前都忍唔住要望多兩眼。（兩個細路已經衝咗入去玩！）

門口另一邊仲有用 LEGO 砌的本土特色美食。

仲有個用 LEGO 砌出的度高尺，但係佢唔係用cm計喎，係用幾多粒 LEGO 計幾高喎，好攪笑！

新店總面積逾4千平方呎，放在店內最突出最吸睛的，就是這個用 LEGO 砌出，重現出八十年代的銅鑼灣。（一睇東廊上的巴士就知啦！）

我最鍾意就係鵝頸橋底下的打小人呀婆，真係造得好細緻，將打小人呢件本來有少少邪的事變得好可愛！

仲有好多巿民生活日常，天台晾衫、叮叮、街巿等！

跟朗豪坊的旺角LEGO場景比較，這個八十年代的銅鑼灣展現得更細緻全神。

 

不過兩個細路話知理你，即刻跑咗去玩LEGO。

這個本來俾人任意配搭買散件裝的位置，兩個當咗係免費任玩專區，拎哂D Parts出嚟砌！

芊芊對蜘蛛同蛇情有獨種。

同旺角度一樣，有個自助LEGO牆，價錢都係一樣啦。（細杯$119、大杯$199）

仲有值得介紹的這個全港首張Digital Play Table，底板下有個熒幕會播放動畫效果。佢哋兩個玩咗一段時間，我先至發現原來有個Mon喺下面，哥哥即刻回應「係呀！你唔知咩？」哈～（推薦閱讀：我想蓋棟房子，左手牽著爸媽，右手牽著我的小孩，我們要永遠幸福快樂在一起）

另一邊有個適合較細個小朋友的玩樂區。

仲有全新LEGO倫敦巴士，好可惜已經斷貨啦，想要就只可以預訂啦！

想跟我去體驗其他活動，快D報名親子團，同埋留意專頁公佈詳情啦！

呀劍評分：7分
呀劍評語：跟旺角度差不多，不過覺得人流冇咁多！同埋鍾意LEGO的朋友，欣賞一下這個銅鑼灣八十年代都唔錯，而且小朋友又可以多個免費活動玩！

地址：銅鑼灣勿地臣街1號時代廣場9樓 902-3C
開放時間：10am-10pm

關於作者與本篇文章

呀劍萬帥
看作者所有文章

我要回應

我要留言

推薦閱讀