【限定好去處】暑期必去。「穿越事業所」享受打工賺銅錢樂趣 | 扮店小二、捕快、大夫
古裝街、古裝服平時睇電視睇得多。
咁，你又去過古裝街、著過古裝服未呢?
我哋今次都係第一次去古裝街，著古裝服。
感覺真係超新鮮，超得意呀!!
今次同大家介紹呢個限定好去處，就係位於奧海城舉行嘅活動「穿越事業所」。
^ 成條古裝村，有四個打工舖位，亦有唔少影相打卡位
小朋友可以返到古代，換上古裝服體驗古代打工嘅生活，仲可以賺銅錢買嘢。除咗小朋友可以著古裝之外，大人都可以一嘗著古裝嘅滋味~活動日期由即日起至2019年9月1日，把握機會去玩噜~
^ 仲有唔少場景可以影相，心口碎大石、豬肉檔
^ 仲有生神仙算命檔，睇左掌未呀?
只要讚好(Like)奧海城Facebook / Instagram專頁及分享指定帖子，即可免費借用古裝服飾一套五分鐘。
古裝服飾仲有男裝同女裝，仲有唔同款式選擇~
場內嘅古代職業有「醫館大夫」、「店小二」、「古玩店掌櫃」及「衙門捕快」，小朋友可以揀選自己想挑戰嘅職業，完成挑戰同任務，按職業要求完成相應工作。完成打工體驗後，仲可以一嘗「出糧」嘅滋味，可以獲得「奧海城銅錢」作為工資，仲可用嚟購買有趣嘅古代玩具及小食。
我哋報咗名去做店小二、同埋醫館大夫。
換好「店小二」工作服，馬上準備開工啦~
^ 我哋喺呢到打工呀，記得嚟支持一下啦~做得好記得打賞哦~
一班店小二正在專心聽老闆吩咐，如何做個出色店小二。
而家長就要準備好做客人，貓紙一張~
^ 專心嘅和牛B
客棧場景都佈置得好細膩，真係好似返咗古代咁!!
作為一個出色嘅店小二，係要由樓面做起嘅。要學上菜、抹台、執台。
然後就要學埋做大廚，準備美味菜式俾客人。
當我點好菜，店小二馬上就上菜啦~~
去完客棧打工，和牛B搖身一變，就變咗做「大夫~~」，正式喺奧海堂醫館到診症啦~
^ 百子櫃
和牛B從今日起學做大夫，首先由學藥材做起。
再學埋用秤，秤藥材。
學完藥材，當然要學睇症啦~
^ 學習把脈
然後，當然要同爸爸媽媽診症啦~
仲幫我執包藥，祝我早日康復。
辛辛苦苦咁打咗兩份工，賺咗啲銅錢，你睇和牛B幾開心。
賺咗工錢，當然馬上要獎勵自己啦~和牛B拎住兩個銅錢，仲可以購買有趣嘅古代玩具及小食。
其餘仲有「古玩店掌櫃」;
以及「衙門捕快」。
《參加方法》
於奧海城最多兩間不同商戶以即日電子貨幣^消費滿HK$800或以上，或以Olympian Kids 1,000積分，即可換領「通關文牒」(即日工作體驗券)一張，憑券可讓一位小朋友參與其中一項工作體驗一次。
每日名額有限，先到先得，換完即止。
亦可上 http://bit.ly/30yTOm9 預購奧海城「穿越事業所」職業體驗 x 食肆美食優惠套票！ 只尚餘少量名額，欲購從速~
【穿越事業所@奧海城】
活動日期：即日起至2019年9月1日
活動時間：1pm – 8pm (每個工作體驗約30分鐘)
活動地點：奧海城2期地下主題中庭
建議參加者年齡：4至10歲
————————————————-
Instagram: wagyubmami
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
關於作者與本篇文章
6個追蹤 和牛b媽媽
在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。
推薦閱讀
旅遊不知去哪裡，跟媽媽經放心玩
放假跟著媽媽經一起放心玩，精選台灣各地高CP值渡假飯店，為每一個家庭帶來快樂十足的親子假期！
【台中高級燒肉推薦】羽悅燒肉｜日本前澤和牛登場，老饕必訪的質感燒肉店
說到台中高級燒肉推薦，近期不少饕客都把目光投向這間話題燒肉店──羽悅燒肉。店家主打日本進口頂級肉品，其中最受矚目...
Utroo café 寓所咖啡 坐落於信義區的美食藝術 日式唐揚炸雞飯 義式香草嫩雞腿沙拉 肉桂捲
Utroo café 寓所咖啡 店家地址：台北市信義區忠孝東路五段236...
撐起日常的力量 輔具之外的人與故事
(圖說:張淳弼示範操作移位機，讓照顧者能省力又安全。) 文／蘇麗華 攝影／...
從服務學習出發 香港學子體驗世界觀與社會共融
（圖說：香港音樂及藝術家協會帶領香港瑪利曼小學的學生們，至新北市政府社會局委託伊甸基金會辦理淡水中正小作所參訪及...
【台中西區美食】稻·麥食堂｜隱身巷弄的深夜食堂！高質感創意日式居酒屋，必點「炙燒Choice牛丼飯」與「滿滿蛤蜊烏龍麵」，每一口都是銷魂美味
說到台中西區的隱藏版美食，這家位在巷弄裡的 【稻·麥食堂】 絕對要在你的口袋名單裡！這裡不僅是一間...
我要回應