首頁 » 作家投稿 » 生活放輕鬆 » 【香港人的經典回憶】荔園。流金歲月 | 叮叮船、飛龍過山車、懷舊經典

【香港人的經典回憶】荔園。流金歲月 | 叮叮船、飛龍過山車、懷舊經典

和牛b媽媽 發表於 2019-03-17 
看留言討論

FavoriteLoading收藏文章

 
身為80後的香港人，仲記得細細個放假嘅時候，爸爸媽咪都會帶我去位於九龍美孚嘅荔園遊樂場。入面有動物園、機動遊戲、攤位遊戲、鬼屋等。
 

 
樣樣都咁經典，香港長大嘅你，而又去過嘅都一定會好記得。
 
今日同老公帶住和牛B去咗D2 Place嘅荔園 . 流金歲月。
 

 

 
一入門口就見到經典嘅飛龍過山車，想當年我係未玩過，因為我太細個，但記得見到個過山車都覺得好刺激!!
 

 
和牛B就話有啲驚佢個樣~所以唔勉強佢影相留念了~
 
仲有印有荔園Logo嘅咖啡杯雅座~
 

 
仲有經典遊戲「叮叮船」，「叮叮船」亦係我兒時最愛嘅遊戲，而家餐廳俾客人影留念。
 

 
充滿歷史嘅旋轉木馬，見到呢隻木馬，真係更加諗返起好多回憶呀!!
 

 
而餐廳方面，主要以點心、飯、麵為主。
 

^ 假日一家人，飲個茶食個包，真係好開心。
 
所以都好適合一家大細嚟呢到回憶一下，同埋將自己兒時嘅經典回憶同小朋友分享。
 

 
餐廳有部份裝飾以懷舊麵檔做主題，影相都好靚!!
 

 

 

 

 
我哋點咗4款食物，全部都係和牛B最喜愛嘅食物~
 

^ 超可愛嘅烏龜菠蘿包 (入面係叉燒餡) – $32
 

^ 和牛B話好好味~~
 

^ 路邊混醬腸 – $22，腸粉好滑，但略嫌唔夠熱呀~~
 

^ 荔園碰碰車 – $78，有三款點心，綠色皮嘅燒賣~不過啲皮就略為厚咗少少，但餡當料全部都好足! 
 

^ 過橋肉絲炒麵 – $88，麵底超脆卜卜，好正呀!!!
 
而餐廳入面都有唔少影相靚位~~
 

 

 
仲記得2014年佐敦都曾經開過一間以荔園遊樂場經典場景主題嘅餐廳，不過之後又結業了。當年我仲記得我陀住和牛B，所以無去食過。
 
大概上年尖沙咀又開返一間荔園餐廳，不過餐廳都無咗懷舊經典嘅味道。
 
當然啦，我唔知道老闆係咪同一個人。但呢次喺D2 Place重開，食物同埋環境我都覺得好吸引。
 
和牛B仲話，下次要約埋朋友仔一齊嚟食。
 
建議: 如果想坐飛龍過山車嘅雅座記得預先打電話訂座呀。
 

 
【荔園。流金歲月 @ 荔枝角】 
地址：荔枝角長順街15號D2 Place 二期2樓211-216鋪
電話：36191128
營業時間：11:30am. – 10:30pm.
————————————————–

歡迎聯絡我&和牛B: [email protected]
Facebook專頁: 和牛B嘅成長專頁

Instagram: wagyubmami

 

 

 

 

 

 

 

 

 

 

 

 

 


————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

 

關於作者與本篇文章

和牛b媽媽

在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。

看作者所有文章

我要回應

我要留言

推薦閱讀