提升手眼協調 加強小手肌 第3星期小遊戲: 穿條飲管頸鏈

收藏文章

有無諗過飲管用過，即棄真係好浪費，其實我地以家都已經轉用可清洗的不綉鋼環保飲管，但之前大肚時日日飲2盒屋仔奶，當時真係儲埋好多飲管，到4年多之後仍然唔捨得掉咗佢，其實飲管除咗可以用黎飲野之外，仲係訓練小手肌嘅好幫手！

你知道嗎? 訓練小手肌意思係指嬰幼兒2隻小手嘅力量、靈活性，同埋協同合作嘅技巧能力。之前的文章都有分享過生活上好多學習，同自理能力就好似書寫、自己食野其實都係同小手肌有關，如果我地平時好小比小朋友有小手肌操作的機會，會導致佢地做好多野都會做得唔夠精細。

相信每個父母都希望自己的小朋友都可以好好執筆。其實係學寫字之前，我好主張同小朋友玩一d小遊戲黎加強佢地小手肌的能力，二來一齊玩遊戲又可以增加親子時光。

今個星期的小遊戲就係【穿條飲管頸鏈】。

需要預備的材料亦很小跟簡單；

1. 飲管幾支

2. 一條繩子

其實遊戲方法亦很簡單: 

1. 先把飲管 cut開分段 預備定好比小朋友

2. 示範比小朋友睇如何將飲管穿入繩子中

3. 將繩打結就可以做到條靚靚頸鏈啦

活動嘅目標；鍛鍊小朋友嘅小手肌肉，同時又可以提升小朋友手眼協調嘅能力。

我和孖寶的Facebook Page: 荔枝與孖寶