收藏文章相信大家最近都忙於幼稚園面試，面試時老師亦有機會評估小朋友小肌肉的發展能力。
我絕對相信每個小朋友小肌肉的發展都有佢自己嘅時間表，靈活的小肌肉有助學習，但同時我地家長亦要作出平衡，唔好強迫小朋友去訓練，反而穩定小朋友情緒，令佢地有安全感對學習自然亦有幫助。
我習慣以輕鬆遊戲方式去幫助孖寶提昇，接下來數個星期會以專題去分享居家簡單嘅物資，如果可以輕鬆地加強刺激小朋友小手嘅靈活性。
每個小遊戲都係可以幫助小朋友，但最重要係好簡單每個家庭都可以做到，既可以幫助小朋友，亦可以增加親子時光。
今次第一個小遊戲就是【撕紙條做停車場】。
孖寶都很喜歡車，所以我有時都會想一些跟車有關的小遊戲比佢地玩，今次我就提出【撕紙條做停車場】來跟他們玩。
需要預備的材料亦很小跟簡單；1. 彩色紙 (其實普通A4環保紙亦可以)2. 一個容器
其實遊戲方法亦很簡單:
1. 把彩色紙預備好比小朋友
2. 示範比小朋友睇如何運用前2指撕出紙條成條狀
3. 之後按喜好排成停泊車仔的空間就可以了
活動嘅目標；當然係因為撕紙條有助鍛鍊小朋友嘅小手肌肉。
接下來會繼續分享唔同嘅小遊戲，提供一些每個人都簡單都可以係屋企，又唔洗花費嘅活動同大家開心share。
孖寶最後仲自創玩法，將這些紙條用手搓揉成垃圾團，放到車上，玩倒垃圾，倒泥頭。哈哈，很好呢! 有創意。
最後希望提醒家長都要慢慢黎，以輕鬆方式同小朋友玩，千奇唔好令佢地覺得有壓力，反而係希望令佢地覺得係好有趣，佢想同爸媽一齊玩，就算小朋友真係做唔到，都盡量唔好們向佢地發脾氣，多鼓勵佢地。
我要回應