收藏文章成日同朝瞳提起警車、救護車、消防車等等，都只係可以係馬路上望一眼，Bi-Bu-Bi-Bu兩下就駛走咗。今次大大架嘅紅色消防車係眼前出現，朝瞳印象十分深刻！
上星期日我地就去咗「九龍城區防火教育運動同樂日」，原因只係放興趣班順路過去（笑）。
食完午餐到達球場大概一點左右，仲好早，大會活動同遊戲攤位兩點先開始。現在有三架大大嘅消防車、影相紙板、十多個攤位遊戲咁，因為早到我地影相都影得好輕鬆。
因為又走左去睇消防車，同消防員哥哥影相！之後就離開嚕，但現場先真正開始，好多人（汗汗）。拖住朝瞳離開時，佢主動講「媽媽，我好開心呀！」～ 希望你會記得啦～
嚟緊兩個月全港不同地區嘅消防嘉年華／開放日，睇下有冇機會帶小朋友去啦！
題外話，本人十分怕人多，其實去呢類型活動都擔心、預左人多即走，寧願玩其它開心玩意。但好彩我地早到，趁少人影左相先。早到都未嘗係壞事。喜歡嘅朋友，可以 Follow 朝瞳氏の日常Facebook 睇更多日常放送。
我要回應