親子小遊戲 玩樂泥膠大發現: 鍛鍊手指力量 提升小手靈活度

收藏文章

搓泥膠看似簡單，既沒技巧又特別要求，但卻有著你意想不到的效果。日常我地只要透過簡單搓泥膠遊戲，說不定可以有助小朋友各方面發展嘅能力，效果更令人意想不到。

遊戲其實就係小朋友嘅世界，亦係小朋友最自然嘅語言，佢地可以透過搓泥膠來表達自己，無形中對釋放能量、比機會小朋友認識世界。

而且由最早期開始家長更可以用泥膠黎比小朋友建立對顏色嘅認知、再者泥膠嘅質感同味道都可以刺激小朋友嘅感官，透過搓泥膠同時亦可以幫到小朋友小肌肉嘅發展，增加手眼協調能力。坊間亦有一些泥膠套組係同字母，數字，生活認知有關嘅設計，更加可以令小朋友們累積同投射生活經驗。

小朋友搓泥膠係唔需要任何技巧，好處當然係唔會引起挫敗感；而且小朋友可以將唔同顏色嘅泥膠混合埋一齊亦都係一件好好玩，好得意嘅事。家長可以從中鼓勵小朋友發揮創意，同想像，搓出自己喜歡同想建構嘅造型。同其他玩具相比，泥膠其實係無咩特家嘅限制，而且安全又好玩，無論係大人定小朋友，都可以係搓泥膠當中發掘出不同嘅趣味。

搓泥膠給予小朋友5感之中，最大嘅刺激相信就係觸覺，從中可以鍛煉小朋友小肌肉由開始時粗略到後來慢慢精細，對訓練小朋友小肌肉靈活性亦2有一定幫助。

相信大家都知道小手肌訓練對小朋友將來學習亦有幫助，即是有助小朋友寫前訓練。

如果要綜合搓泥膠嘅學習目標，就係可以訓練小朋友手掌、手指肌力，仲有前二、三指嘅控制力。

首先，係搓泥膠過程中，幼兒會需要運用到手掌同手指進行搓、擠、壓、拉等動作、可以從中提升小朋友手指肌力。

而3至4歲 小朋友嘅手部肌肉發展，亦可以通過相關訓練來幫助。

其次可以示範同教導小朋友搓泥膠波波︰我地示範一次如何可以將泥膠搓成直徑around 1 吋嘅小波波，呢個小活動對小手肌肉有一定嘅難度，小朋友必須識得運用小手指、手掌嘅力去配合而搓成小波波球。

係呢個訓練嘅要訣：就係要透過搓泥膠幫助小朋友鍛鍊手指力量，同時提升小手靈活度。

當然搓泥膠係一項無咩限制嘅小玩意，自由玩樂時間亦可以激發小朋友想像力。

就好似小朋友可以做出魚、屋企等唔同形狀嘅拼砌物件；日常餐具等。係呢個過程中除咗小朋友會運用到手指肌肉之外，就連手掌肌肉亦可以得到鍛鍊。

搓泥膠既可以吸引小朋友鍛鍊小肌肉，又有趣好玩。而且通過玩樂對小朋友日後執筆寫字有幫助。

市面上都有不同品牌嘅泥膠可供大家選擇，一般大型書店，及大型玩具店都有售。

我亦有試過之前去美國時購入，有些香港有售嘅泥膠在當地都是超級平的。

最近亦在香港大型玩具店見到，每樽好像都是特價$9.9。

大家都不妨一齊親子玩樂，搓一番!