說不出的話，就靠親子留言板示愛

希晴媽媽太掛住個老公，剛剛過去嘅週末，決定自己一個人飛台北自製二人世界，希晴爸爸話：「終於做番我老婆，唔係我個女個阿媽！」梗係啦，老公同女女同樣重要架嘛！

寶貝女聽到媽咪嘅安排，當然唔多願意，但係媽咪唔喺香港嘅期間，都好乖乖聽婆婆話，仲借婆婆嘅whatsapp黎表達佢有幾掛住我添！
（推薦閱讀：生小孩後忙到翻，老公說我不關心他？）

最令媽媽感動嘅，就係佢喺白板上嘅留言喇！

有留意希晴媽媽之前嘅post嘅話，都知道我地平時都會寫吓信，好鐘意用文字表達（可能係因為我地畫畫太似畢卡索，表達完唔係個個明啦！），媽媽好開心寶貝女願意花時間寫字俾我，又畫吓心心同哈哈笑，仲好似倒數住我幾時番咁。
(推薦閱讀：開學喇！做番個寫信媽媽)

記得以前買呢塊細細塊嘅白板，主要係想寫吓時間表，又或者寫吓生字，畫吓刷吓好玩啲，建立寶貝女寫字嘅興趣，點知用咗嚟俾寶貝女留言俾我，真係估唔到呀！希晴媽媽成日都聽到人講要多溝通，如果用呢塊白板，番工前留個message，等寶貝女番黎睇到，應該都會幾sweet喎～不過佢掛住我嘅呢一段留言，過咗咁多日我都仲未捨得擦呀！