【新場!】港島區放電好去處。4千呎室內兒童遊樂場。Planet J Kids
＼ 港島區兒童喜訊 /／
室內兒童遊樂場愈來愈多，不過港島區就似乎相對比較少呢啲場所啦~最近，港島區終於又多一個新嘅場啦。平日12時正之前入場，仲可以1大1小$80入場，玩足1日，真係超抵呀。
今次我哋要介紹嘅就係位置鬧市銅鑼灣，喺皇室堡商場13樓嘅《Planet J Kids》。佢係由美國冒險樂園打造嘅全新親子樂園，入面仲設有六大好玩嘅遊戲區，幾個月大BB都啱玩o架。
講返正題，入面有動又有靜嘅遊戲。首先當然介紹最放電嘅遊戲區啦，藍白色波波池海，呢到有幾個遊戲設施。有充氣嘅彈床，放電必備呀!!
「創意積木城」，呢到有型軟膠積木俾小朋友發揮無窮想像力，起屋、砌乜都得。而遊戲區建造嘅材料亦好安全，因為唔係硬嘅板、尖嘅角，所以好安全。
而另一邊仲有兩條滑梯，直接衝落波波池。
「勇者之丘」攀石牆，鍛鍊小朋友嘅手、腳肌肉及協調。
**為安全起建，攀石牆只限身高130cm以下小童使用
波波池上面仲有唔少得意可愛嘅吹氣浮床，兔仔、Pizza、火烈鳥都有。
真係好似衝梗浪咁呀。
另外仲有一組適合幼童鍛鍊身手嘅遊戲組合，重點都係有波波池~
由幾個六角形組合而成，訓練爬上、攀高，可以訓練小朋友身手。
滑梯組亦有長、短款。
「奇幻互動地帶」波波池入面仲有大型投影光幕俾小朋友玩互動遊戲，可以俾小朋友郁動身體下之餘，仲要同朋友仔合作玩遊戲。遊戲好好玩，刺激官感，仲可以鍛練反應。
「太空彈步」呢個係一個親子遊戲，在充氣跑道和充氣滾筒中，父母可以同小朋友一齊運動。可以加強下半身肌力及前庭平衡感。
有動就有靜，「想像工作室」呢邊有好多唔同種類嘅玩具，仲有好多可以角色扮演嘅玩具。
有和牛B最鍾意嘅煮飯仔玩具(食物)。
發揮想像力的海綿積木。
仲有好多圖書、繪本睇。
仲有兩張小書台，俾小朋友靜靜地坐喺到玩玩具、睇圖書。
小男孩最愛嘅積木火車組玩具。
幻想，我是小小音樂家。
幻想，我是一個雪糕店務員
成功整到一杯香芋味雪糕俾媽咪啦~
幻想，我係一個收銀員。
「先生，多謝你呢到$33蚊」
訓練小朋友平衡嘅遊戲。
「休悠小島」上船啦喂~~佢係一個軟墊遊戲組合，有小樓梯又有小滑梯。
架船要開啦，你一唔一齊嚟渡假呀。
軟墊嘅攀爬遊戲組，一條小彩虹。
仲有車仔可以玩
必到影相位~
設施配備
育嬰室
場內仲有一個育嬰室，入面有換片墊。
餵奶房
場內另設獨立餵奶房，入面有一張櫈方便餵奶用。
鞋架
入場後記得先除鞋，放好後再進入遊戲區呀~
Locker
入場後，如有需要使用Locker，請與職員查詢。
休息區
場內仲有多張台，可作休息區。
手作班
而場內仲有手作班，如果導師在場，仲可以即場報名參加，費用只需$30。
安全衛生
每位小朋友入場之前都必須探熱，確保無發燒先可以入場，以及用消毒搓手湯消毒雙手。
另外仲會定期進行長效消毒，場內仲設有大型空氣淨化機及多部消毒液洗手機。
Planet J Kids @ 銅鑼灣
地址：銅鑼灣皇室堡13樓1301-1305號
電話：2441 2778
開放時間：11am – 9pm
網址：http://www.jumpingym.com/planetjkids
Facebook專頁：https://www.facebook.com/PlanetJKids/
————————————————–
歡迎聯絡我&和牛B: [email protected]
Facebook專頁: 和牛B嘅成長專頁
Instagram: wagyubmami
————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。
關於作者與本篇文章
6個追蹤 和牛b媽媽
在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。
推薦閱讀
旅遊不知去哪裡，跟媽媽經放心玩
放假跟著媽媽經一起放心玩，精選台灣各地高CP值渡假飯店，為每一個家庭帶來快樂十足的親子假期！
AI高效後，運用屬靈智慧慢下來關懷陪伴
來賓/呂信偉、陳偉仁 主持/詹慶臨 錄音...
國都&伊甸 與身心障礙者共行
文｜朱聖恩 攝影｜徐士堯 攝影機一字排開，相機快門聲此起彼落，為捕捉伊甸基金會「半音舞...
{台中美食}迷糊軒/隱身在台中南區的巷弄美食，拉麵系列跟丼飯都超美味，還有推出會員活動，最高可以免費送主餐一份呦！
{台中美食}迷糊軒/隱身在台中南區的巷弄美食，拉麵系列跟丼飯都超美味，還有推出會員活動，最高可以免費送主餐一份呦...
【台中西區美食】成真咖啡 Come True CAFE 廣三SOGO店｜絕美綠意空間，品嚐冠軍咖啡與療癒舒芙蕾，讓美好循環成真！
成真咖啡 Come True CAFE 又開新據點了，這次選在台中廣三SOGO百貨二樓，於5月1日盛大開幕 。無...
大股一站式股東紀念品服務讓小資族投資零股更加得心應手
『投資』早已成為台灣的全民運動，近日就有報導說外國人對於台灣投資熱度感到誇張，因為外國人觀察到台灣大多數的人...
大家都在討論
我要回應