首頁 » 作家投稿 » 生活放輕鬆 » 【假日好去處】每分鐘$1.5玩泡泡，媽媽健身，寶寶玩泡泡

【假日好去處】每分鐘$1.5玩泡泡，媽媽健身，寶寶玩泡泡

和牛b媽媽 發表於 2018-05-08 
看留言討論

FavoriteLoading收藏文章

最近放假嘅時候同和牛B去咗九龍灣，去咗旁邊PlayHouse玩。不過人實在太多…玩咗一陣就決定離開了。
 
同一個商場入面，仲發現有另一個小天地「BubbleLand」。
 
係專玩泡泡嘅樂園嚟，呢個場鬆動好多，同埋都一樣好好玩!! 
價錢都唔算貴，假日入場小朋友會以每分鐘去收費($1.5/分鐘)，家長陪同入場收費$35/全日。
 

 
平日$85玩全日，如果平日下午6點後入場收費為$65，可以玩到收舖為止。
**如果中途離場，記得唔好剪斷手帶呀。
 

 

**謹防滑倒，記得唔好喺場內跑呀。

 
可以將泡泡塑型，發揮小朋友創意! 
 

 
和牛B起初都唔敢掂啲泡泡，之後佢見到我玩，佢就夠膽一齊玩啦~
 

 
因為佢怕污糟呀~~
 

 
跑步機、健身單車化身泡泡發動機，又係咩玩法呢? 
就當然係Keep Fit同步噴泡泡啦~~
湊住小朋友嘅同時，媽媽仲可以Keep Fit，都咪話唔爽呀!!
 

 

 
仲有小童版健身單車泡泡機，放電一流呀!!
 

 
小童彈床，跳彈床 x 泡泡。小朋友只要企上彈床不停跳，就會不停噴出泡泡。
 

 
同樣係小朋友嘅健身與噴泡泡機組合，呢個遊戲訓練雙腳協調揀直係一流呀!!
 

 
再來與力量型有關嘅泡泡遊戲，拉出方形大泡泡。
 

 
到處都可以玩到大泡泡。
 

 

 
職員仲超有Heart，願意同小朋友玩，仲幫我哋拉起呢幅泡泡幕牆~
 

 
超大遊戲幕牆，係海底世界，有好多海洋生物游來游去。
小朋友只要喺屏幕上面輕掃幾下，就會有泡泡喺螢幕到出現。
 

 
遊戲有動亦有靜，小朋友仲可以問職員免費拎魚仔填色紙，場內仲提供咗顏色供填顏色用。
仲有呢部好似街機嘅遊戲，俾小朋友一啲小Tips去幫魚仔填顏色。
 

 
仲有作品貼堂區添呀~
 

 
泡泡好園入面仲有撈金魚區，入場免費三個網撈魚。
另外可以$10/5個撈魚網。
 

 
對於撈金魚呢個”遊戲”，其實我並不贊同。
因為魚都係有生命嘅，但係和牛B好想玩，就俾佢體驗一次。
我唯有在旁教導佢要愛惜生命，提醒佢唔好喺水入面不停揮動”撈魚網”，因為咁樣係會嚇親金魚嘅。
 

 
場內設施
場內非常窩心，因為小朋友玩泡泡總會玩到一手都係。
為咗方便清潔，場內設有洗手區，旁邊亦有吹手機。
 

 
BubbleLand Hong Kong
營業時間：12nn – 8pm  
地址：九龍灣得寶花園地下TBG mall (牛下新城) T188舖
https://www.facebook.com/BubbleLandHongKong/
 

玩樂才是王道，讓小朋友自由去玩。去吧! 孩子!

————————————————–

歡迎聯絡我&和牛B: [email protected]Facebook專頁: 和牛B嘅成長專頁

Instagram: wagyubmami

 

 

 

 

 

 

 

 

 

 

 

 

 


————————————————–
姊妹合作**Precious M accessories**
利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。

關於作者與本篇文章

和牛b媽媽

在職媽媽，分享我的育兒心得、幼兒食譜、假日好去處。喜歡假日帶著和牛b四處遊玩，讀萬本書不如行萬里路。

看作者所有文章

我要回應

我要留言

推薦閱讀

南投楓樺台一渡假村｜4萬坪森林童話小鎮開箱！入住就能玩兩天，甲蟲導覽、恐龍火車、戲水池、DIY一次玩滿🌳

南投楓樺台一渡假村｜4萬坪森林童話小鎮開箱！入住就能玩兩天，甲蟲導覽、恐龍火車、戲水池、DIY一次玩滿🌳

放心玩  更新於 2026-07-09 

每次帶小朋友出去玩，最累的不是開車，而是一直想著下一站要去哪、小孩還有沒有地方放電😆。 這次入住 南投楓樺台一...