首頁 » 作家投稿 » 懷孕與教養 » 【喬喬妹妹養育記2M】與你分享我既二胎分娩大不同

【喬喬妹妹養育記2M】與你分享我既二胎分娩大不同

FavoriteLoading收藏文章

回顧生完兩胎我既分娩情況都相當唔同,我知好多孕媽咪會好擔心突如其來要生仔,又唔知點應付陣痛等等,係度我分享吓我兩胎分娩既經歷啦!

 

穿水分別

第一胎係半夜一攤水流出嚟個種穿水。

第二胎係有一陣一陣滲出嚟嘅高位穿水,當時去到醫院過咗一晚,做測試先知係唔係真係穿水。

 

催生分別

第一胎我由陣痛催生到生出BB用咗超過28個鐘,當時只可以用極度痛苦形容,因為面對穿咗水同落咗催生藥好耐,但仍然喺萬年兩度嘅狀況,我接近去到崩潰的狀態,所以最後冇辦法去打無痛,落產房等開夠度數先出力生bb。

 

今次第二胎催生計14個鐘就生咗,雖然我係穿咗水,不過屬於高位穿水,所以實際未係大穿水,我去到待產房等醫生人手穿水,人手穿水嘅不適比起check宮頸係更加唔舒服,但當時冇辦法下,唯有揀放鬆心情同身體去渡過。

 

人手穿水後我好快就去到三度,不過我知我忍唔到嚟緊嘅劇痛,所以我好快就要求打無痛,打完之後就係產房抖吓,四個鐘後就已經開到十度停藥順利分娩。

 

體力恢復分别

第一胎生完,BB直接去咗新生兒病房住六日,所以我係產後房係非常輕鬆渡過咗三日兩夜生活,當然頭一日都係成個人攰到不似自己。

 

第二胎因為有上胎經驗,減少陣痛感既辛苦,明顯個人體力恢復比上胎好,雖然生完第一日都係頭暈暈落唔到床。不過開胃好多,我由第一餐起就食曬所有飯菜,我見有啲產婦無胃口直接唔食,不過我建議大家點都食啲,因為食咗先更容易恢復體力,咁個人先愈快脫離好攰好暈既狀態!

 

因為食飽飽關係,第二日我已經精神好多!我知好多媽咪覺得醫院餐麻麻地,講真我平時食好清淡都覺得真係一般般,所以情況許可大家可以麻煩屋企人加餸或者叫月子餐頂住先,始終食嘢唔夠都會較難上奶同恢復體力。

 

希望我以上小小經驗分享可以幫到大家渡過孕後期對分娩日子逼近的恐懼感,再辛苦再難捱既分娩過程都會過去,到時迎來小生命,所有的痛苦都會唔記得曬!

——————————–

記得追蹤我們的親子育兒同每週食譜分享!

like及搶先看專頁!Kylife與二寶之日常

追蹤我們IG!kylife.babies

———————————-

本文為「駐站作家」自行上稿文章。
若您認為該文章涉及任何不當言論,請按此檢舉
檢舉關閉

這篇文章對您是否有幫助?
這篇文章對您是否有幫助?

關於作者

kylife

90後媽媽分享懷孕歷程同照顧仔仔筋肉寶寶的搞笑經歷

我要回應

我要留言