【大阪親子遊】放電公園 – 扇町公園及CP值超高燒肉放題。Day 2 – Part IV

離開咗Kids Plaza之後，旁邊就有一個公園「扇町公園」。其實喺Kids Plaza一角嘅窗口望落去已經好興奮，當我切切實實去到扇町公園，更加想大叫出嚟，和牛B就唔洗講啦。一見到公園同滑梯，一支箭咁就走咗去玩了。

扇町公園空間好闊落、二嚟滑梯、三嚟有沙玩。

而玩樂嘅設施雖然款式唔係超多，但呢到都仲有舊時香港都好常見屋村公園「馬騮架」、繩網等。

未去到滑梯組之前，有兩個搖搖遊戲組。

佢同香港嘅搖法係唔同，唔知點樣講，總之就係好得意~

小朋友要整郁呢舊嘢，同嘅力係同香港玩嘅唔同。

滑梯有石屎滑梯、水管滑梯，有中長度亦有超長嘅長度，都真係相當刺激。

幼兒比較適合嘅區別，不過從高角度去睇，都好似好高咁~

第一次瀡，和牛B要爸爸陪先肯玩，仲要好緊張~

之後，已經夠膽自己瀡，仲瀡咗好多次~

同樣，和牛B對於水管滑梯都係有少少驚。所以第一次玩都要爸爸抱住先肯瀡，然後…

又夠膽自己再瀡了~

黃色水管滑梯有兩條，一條中長度，另一條係超長!! 又黑又長又滑，好刺激呀!!

而旁邊仲有繩網陣，可以登上遊戲組嘅最高層。

日本人真係好鍾意麵包超人，似乎麵包超人係日本人嘅神級卡通人物嚟呢。

當小朋友出力玩完之後，當然要上車休息一下啦。

然後小朋友瞓咗覺，就係媽媽血拼嘅大好時機。我哋去返心齋橋嘅BIC CAMERA(ビックカメラ)，8樓有100円店，再落一層7樓就係玩具部啦!! 

日本人嘅細心、體貼，將所有森林家族陳列嘅玩具，全部都係設置喺小朋友高度eye level位置。*高度係超適合一個2-3歲嘅小朋友，香港有好多都設置喺100cm以上水平位置。

Thomas & Friends x TOMICA嘅列車玩具套裝超級齊同超多，Fans必掃呀!!

煮飯仔控會失心瘋嘅貨架!!!!!

**對唔住…和牛媽媽好努力血拼，所以完全忘記影相。

當媽媽開心購物完，出完血之後，就去咗CP值超高，又抵食嘅燒肉放題「國產牛燒肉放題(あぶりや)」。我哋大概當地時間8pm先到達餐廳，睇落餐廳都好多人等候。我哋一行4大2小1個B，即刻拎飛，大概等咗20分鐘左右就有位了。

店入面仲有提供中文餐牌，方便客人點餐。

【 詳細餐牌 】

點餐後，食物超快送到。

食物質素高之外，店員亦非常有善，同埋定時定候都會主動走過嚟問我哋需唔需要加單。

除咗不停食和牛之外，有豬同雞。亦有蔬菜類、前菜沙律、牛肉湯、麵、飯、韓式都有。

任食兩小時，埋單每位大人大概三百幾蚊港紙，以呢個質素仲要係放題，真心正到不得了!!

香港食呢個質素嘅話，肯定每人埋單要一千銀有多!!

收費如下(未連稅價格)：成人 3,780円、50歲以上 3,400円、60歲以上 3,020円、70歲以上 2,640円、小學生 1,890円、4-6歲 520円、3歲以下免費 (每人加980円可增配飲品放題)。

**當晚實在太肚餓，同時需要照顧和牛B，所以和牛媽媽又忘記相機食先嘅道理，所以相片唔係太多。

***提外話，餐廳未有提供育嬰設施，所以帶住寶寶又遇上要換片嘅情況，就會比較麻煩少少。

扇町公園

BIC CAMERA(ビックカメラ)難波店

地址：〒 大阪市中央区千日前2丁目10-1電話：81 6-6634-1111營業時間：10am – 9pmhttps://www.biccamera.co.jp/shoplist/shop-013.html

關於國產牛燒肉放題大阪店一覽