首頁 » 作家投稿 » 生活放輕鬆 » 【媽媽有感】珍惜孩子,大手拖細手的時間

【媽媽有感】珍惜孩子,大手拖細手的時間

FavoriteLoading收藏文章

自從和牛B出世之後,我眼入面、話題永遠都離唔開佢。你可以話我無咗自己,雖然係咁,但係我仍然好享受同佢一齊嘅時間。
 

 
手機入面嘅相,無咗自拍、無晒放閃嘅溫韾合照,全部都變晒和牛B嘅相。不論係影小手、小腳、超近close up嘅相,乜都有。
 

和牛B半歲大時嘅小手。
 
旁人可能覺得呢啲相好無聊,但係當過咗一段時間睇返,係好令我回味。
亦覺得點解佢哋大得咁快,頭三個月重點係食奶、瞓覺、喊,我哋都會好期望佢快啲大。
 

 
有人話,趁佢哋仲細,快啲撇低佢去返幾轉旅行,同朋友出街食飯都無所謂啦。但係,我真心唔捨得放低佢,原因唔係擔心照顧者唔夠貼心,而係我唔想錯過佢每一日。
 
亦有人話孩子最需要父母就係頭三年,我認同呀! 因為孩子喺三歲左右就正式入學(K1幼稚園),入學後佢哋就會開始慢慢學習建立人際關係,有自己嘅社交圈子有朋友。而有啲小朋友如果讀N班的話就更早會有自己嘅朋友,當佢哋有咗自己嘅世界,就慢慢會同父母疏遠。因為跟同輩相處,講心事始終跟同輩傾比父母來得舒服。
 
回想外出嘅時候,細細個要瞓BB車,第二個階段就係同佢好親密嘅Hip Seat,我同佢嘅距離係幾咁近。
 

 
到一歲左右開始學步,我哋就多咗手拖手嘅機會。
 

 
而從我嘅角度去睇佢,距離係好近,我哋也需要微微屈膝遷就和牛B嘅高度。
 

 

 
而家兩歲八個月,好多時都會想甩開我哋隻手,自己跑去玩。不過,我哋一般都唔會俾佢敢做,要花啲心思同時間氹佢,出街要拖住大人行。
 

而家只係兩歲八個月就已經開始唔願意拖,距離唔需要父母嘅時間似乎又近咗了…
 
珍惜孩子需要我嘅時光,成長得一次錯過咗就無了!
 
————————————————–

歡迎聯絡我&和牛B: [email protected]
Facebook專頁和牛B嘅成長專頁

Instagramwagyubmami

 

 

 

 

 

 

 

 

 

 

 

 


————————————————–
姊妹合作**Precious M accessories**
利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。

本文為「駐站作家」自行上稿文章。
若您認為該文章涉及任何不當言論,請按此檢舉
檢舉關閉

》陪小孩睡覺也能做的簡易床上瑜珈

》如何幫寶寶挑選洗沐用品?不一定愈貴愈好!

》玩黏土激發學習力?讓寶寶走在最前面!

》2019全台兒童冬令營懶人包來囉!別錯過報名時間!

》教育男孩四大重點,現在明白還不算晚!




這篇文章對您是否有幫助?
這篇文章對您是否有幫助?

關於作者

和牛b媽媽

在職媽媽,分享我的育兒心得、幼兒食譜、假日好去處。喜歡假日帶著和牛b四處遊玩,讀萬本書不如行萬里路。

我要回應

我要留言